"Жароҳатдан 100 фоиз тузалишим муҳим" — Де Брюйне

Де Брюйне АПЛ 1-тури доирасидаги "Бёрнли"га қарши ўйинида жароҳат олганидан сўнг жарроҳлик амалиётини ўтказишга мажбур бўлди.

Олдинроқ Де Брюйне янги йил арафасида қайтиши тахмин қилинганди. 32 ёшли бельгиялик тез орада аниғини айтади.

"Кейинги ҳафтада муҳим текширув бўлади ва даволаниш қандай кетаётгани ҳақида кўпроқ билиб оламиз. Ҳозирча ҳаммаси режа бўйича. Ҳаммаси жуда яхши".

Бу жароҳатдан 100 фоиз тузалишим муҳим. Менда кўплаб ёриқлар бор эди. Орқа сон ҳар қандай вақтда жароҳатланиши мумкин.

Буни машинага қиёсласа бўлади. Мен 700 та ўйин ўтказдим ва капитал таъмирга муҳтожман", – деди Де Брюйне.