Жанубий Корея олимпиячилари ўртоқлик ўйинида Австралияни мағлуб этишди
09 oct 2015 22:15
News

Жанубий Корея олимпиячилари ўртоқлик ўйинида Австралияни мағлуб этишди

Ўзбекистон U-23 терма жамоасининг Осиё чемпионати гуруҳ босқичидаги рақиби – Жанубий Корея U-23 терма жамоаси 9 октябрь куни Австралия олимпия терма жамоасига қарши ўртоқлик учрашувида майдонга тушди ва 2:0 ҳисобида ғалаба қозонди.

Таъкидлаш жоиз, иккала терма жамоа 12 октябрь куни ўзаро иккинчи ўртоқлик учрашувида майдонга тушадилар. Аввалроқ хабар берилганидек, Жанубий Корея иштирокидаги ўртоқлик учрашувларини бевосита томоша қилиш учун ЎФФ техник директори Деян Журжевич Жанубий Корея пойтахти Сеул шаҳрига жўнаб кетган.

Эслатиб ўтамиз, январь ойида Қатарда U-23 ёшлар ўртасидаги Осиё чемпионати баҳслари ўтказилади. Виктор Жалилов бош мураббийлигидаги Ўзбекистон U-23 ёшлар терма жамоаси Осиё чемпионати "C" гуруҳидаги илк учрашувида айнан Жанубий Корея U-23 терма жамоасига қарши майдонга тушади.

Осиё чемпионати гуруҳ босқичида Ўзбекистон U-23 терма жамоаси Жанубий Кореядан ташқари, Ироқ ҳамда Яман олимпия терма жамоаларига қарши ўйнайди.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +1