Жанубий Корея. К2 лигаси. Рустам Ашурматов жамоаси ишонч билан пешқадамлик қилмоқда
04 may 2019 13:35
News

Жанубий Корея. К2 лигаси. Рустам Ашурматов жамоаси ишонч билан пешқадамлик қилмоқда

Бугун Жанубий Корея К2 лигасида 10-тур старт олди.

Ўзбекистонлик ҳимоячи Рустам Ашурматов ўйнаётган "Гвангжу" клуби ўз майдонида "Чоннам Драгонс"ни қабул қилди.

Учрашувда майдон эгалари ҳисобни очишди. Биринчи тайм охирида марказий ҳимоячи Ли Хан До қизил карточка олиб майдонни тарк этди. Бир киши кам бўлиб ўйнаган "Гвангжу" ўйин сўнггида яна бир гол ура олди - 2:0. Ашурматов мазкур ўйинда тўлиқ ўйнади. "Гвангжу" 10та турдан сўнг 22 очко тўплаб мусобақа жадвалининг биринчи поғонасида бормоқда.

Жанубий Корея. К2 лигаси. 10-тур
"Гвангжу" - "Чоннам Драгонс" 2:0
Голлар: Ли Эу Деум 10, Чо Жу Юнг 87
Четлатиш: Ли Хан До 40 ("Гвангжу").