Жанубий Корея ЖЧда ўйнаган таркибни тарқатиб юборди

Биринчи навбатда терма жамоанинг ҳозирги таркиби расман тарқатиб юборилди. Эндиликда кореяликлар бутунлай бошқа таркиб йиғмоқчи. Янги таркиб йиғишда эса кейинги ой Индонезияда бўлиб ўтадиган Осиё ўйинлари муҳим роль ўйнайди.

Жанубий Корея тўрт йилги аввалги Осиё ўйинларининг амалдаги ғолиби ҳисобланади ҳамда бу сафар ҳам ушбу мусобақага юксак мақсадлар билан бориш ниятида. Бу йилги Осиё ўйинларида футбол мусобақаси 14 августдан 1 сентябрга қадар бўлиб ўтади ва унда 32та терма жамоа қатнашади.

Мусобақа низомига кўра, фақат 1995 йилнинг 1 январидан кейин туғилган футболчилар навбатдаги Осиё ўйинларида тўп тепиш ҳуқуқига эга. Шунингдек, ёши катта учта футболчи ҳам якуний рўйхатга киритилиши мумкин. Айни пайтда Жанубий Корея U-23 терма жамоасини бошқараётган Ким Хак Бум шу ойнинг охирларида Индонезияга борадиган таркибни эълон қилишини маълум қилган. Мураббий Индонезияга ёши катта ўйинчилардан биринчи навбатда 25 ёшли Сон Хён Мингни ҳам олиб кетишни режалаштиряпти.