Жамшидбек Тўрақулов: “Нефтчи”нинг ғалабаларига ўз ҳиссамни қўшмоқчиман"

Бугун осон ўйин ўтказмадик. Қийин кечган учрашувда ғалаба қозондик. Насиб қилса “Нефтчи”нинг ғалабалари бардавом бўлади ва чемпионатни биринчи ўринда якунлаймиз деган умиддаман.

“Хоразм”га қарши жиддий тайёргарлик кўрдик, бугунги рақибларимиз яхши шаклланган жамоа эканлигини билардик. Шу сабаб бугун астойдил ҳаракат қилдик, жамоамиз мураббийлари кўрсатмаларига таянган холда бугун муҳим ғалабага эришдик.

Биласизлар, жорий мавсумни “Ифтихор” жамоасида бошлаган эдим, давралар оралиғида менга “Нефтчи” жамоасидан таклиф бўлди, келиб кўрикдан ўтдим ва шартнома имзоладим. Насиб қилса эндиликда астойдил ўйнаб, “Нефтчи”нинг ғалабаларига ўз ҳиссамни қўшмоқчиман. Ҳар бир футболчида бўлгани каби мен ҳам келажакда Ўзбекистон миллий терма жамоаси сафида майдонга тушишни мақсад қилганман", – дейди Жамшидбек Тўрақулов.


Бекзод Толибов ёзиб олди.