Жамшид Болтабоев: “Бунёдкор” азалий рақибимиз, шу боис ўйинга жиддий тайёргарлик кўргандик”

Ушбу учрашувдан сўнг “Пахтакор” клуби футболчиси Жамшид Болтабоев ўз фикрлари билан ўртоқлашди.

“Бешта турдан бери биз ғалаба нималигини билмаётган эдик. “Бунёдкор” азалий рақибимиз, шунинг учун ушбу ўйинга жиддий тайёргарлик кўргандик. Машғулотларни “Металлург”га қарши учрашувдан сўнг бошлаб юборгандик. Жамоавий ўйин кўрсатганимиз эвазига ғалаба қозондик деб ўйлайман.  Муросасиз ўйин бўлиши кутилганди. Биз учун биргина ғалаба етишмаётганди деб ўйлайман. Мана 3 очкога ҳам эга бўлдик. Насиб қилса кейинги ўйинларда ҳам мана шу руҳда давом этамиз”, - дейди “Пахтакор” клуби футболчиси Жамшид Болтабоев.

Жаҳонгир Сотволдиев