Жамшид Болтабоев: “Андижонда бизни фақат ғалаба қониқтиради”

- Биринчи давра баҳслари якунига етгач, ҳамма жамоалар қатори биз ҳам ўн кунлик дам олишга чиққандик. Шундан сўнг йиғинга киришилди. Биз эса терма жамоа билан бирга бўлдик. Қолган жамоадошларим “Пахтакор”да шуғулланди. Миллий терма жамоа йиғини якунига етгач, 26 июль куни ҳаммамиз яна “Пахтакор” сафига бориб қўшилдик ва Қибрайдаги қароргоҳимизда машғулотларга киришдик. Шундан бери “Андижон”га қарши ўйинга тайёргарлик кўриб келмоқдамиз.

- Биламиз “Андижон” ўз майдонида жуда кучли ўйнайди. Мухлисларнинг далдаси ҳам улага кўпинча қўл келади. Қолаверса бу жамоа давралар оралиғида маҳоратли ўйинчиларни ўз сафига қўшиб олди. Шунга яраша пухта тайёргарлик кўриб, ёруғ юз билан ортга қайтишга харакат қиламиз.

- “Пахтакор”нинг ўйинчиларини миллий терма жамоа ихтиёрида бўлиши жамоага таъсир ўтказмайди деган фикрдаман. Чунки жамоадаги ички муҳит жуда ҳам аъло даражада.

- Андижонда бизни фақат ғалаба қониқтиради. “Пахтакор” ҳар доим ўз олдига юксак мақсадларни қўйиб келади. Тўғри, айрим етакчи ўйинчиларимиз бошқа жамоаларга ўтиб кетишди. Лекин бу  –дуранг ёки  мағлубият учун майдонга чиқади дегани эмас.