Жалолиддин Машариповнинг жамоадоши, тўпурар футболчи клубни тарк этди

2020 йилги Осиё чемпионлар лигасининг "Энг яхши тўпурари" Абдерразоқ Ҳамдаллаҳ "Ал Насср" билан хайрлашиб, "Ал Иттиҳод" клубига кўчиб ўтди. 30 ёшли футболчи янги жамоаси билан бир ярим йиллик шартнома имзолади. 

Марокашлик тўпурар футболчи 2018 йилдан бери "Ал Насср"да тўп тепиб келаётганди. У фаолияти давомида Хитойнинг "Гуангжу R&F", Қатарнинг "Ал Жайиш", "Ал Райан" клубларида ҳам фаолият юритган.

Саудия чемпионати турнир жадвалида "Ал Иттиҳод" 26 очко билан 1-ўринда боряпти. "Ал Насср" эса 20 очко тўплаб 5-ўринни эгаллаб турибди.