Жалолиддин Машарипов: "Бу ўйинга финалдек тайёрланган эдик"
13 sep 2015 09:40
News

Жалолиддин Машарипов: "Бу ўйинга финалдек тайёрланган эдик"

Олий лига 21-тури доирасида "Пахтакор" жамоаси "Локомотив"ни 2:1 ҳисобида мағлубиятга учратди.

Учрашув якунлангач, захирадан майдонга тушиб "шерлар"нинг иккинчи голига муаллифлик қилган Жалолиддин Машариповнинг фикрлари билан қизиқдик.

"Ҳали олдинда муҳим ўйинлар кўп, бугунги баҳс дерби бўлгани учун финалга тайёрлангандек ҳаракат қилдик. Бу ўйинга финалдек қарадик. Шунинг учун ҳам мухлисларимиз олдида юзимиз ёруғ бўлди. Чемпионлик сари яна бир қадам ташладик.

Қўлимдан келганча жамоага ёрдам беришга интилаяпман, асосий таркибда ўйнаш учун курашяпман, бу нарса мураббийларимизга боғлиқ", - дея ўз фикрларини билдириб ўтди Жалолиддин Машарипов.

Толибжон Қосимов ёзиб олди