Latest news

09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  1 09:18Сўнгги турларда Алиқуловни захирага "михлаб" қўйган мураббий истеъфога чиқди  0 09:15Виталий Левченко: "Танқид ва босимларни енгиб чемпион бўлдим"  1 08:52Нури Шаҳин: "Биз Аббосни жуда узоқ кутдик"  3 08:24"Башакшехир" устози Элдор Шомуродов ҳақида фикр билдирди  5 08:05МЛС. "Интер Майами" рақибини йирик ҳисобда мағлуб этди ва финалга йўл олди  2 07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  1 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0

Жаҳон чемпионатига муносиблар боради News

Жаҳон чемпионатига муносиблар боради

Қатарда бўлиб ўтадиган жаҳон чемпионатининг 31та иштирокчиси маъум бўлди.

Охирги жамоа номи бугун 23:00да бошланадиган Коста-Рика - Янги Зеландия баҳсидан сўнг аниқ бўлади. Биз учун аҳамиятлиси, бу йилги жаҳон чемпионатида тарихда илк бор ОФКдан 6та терма жамоа қатнашади. Мезбон Қатардан ташқари Саудия Арабистони, Япония, Эрон, Жанубий Корея ва Австралия мундиалда қитъамиз шарафини ҳимоя қилади. 

Аввалдан тахмин қилинганидек, кучлилар жаҳон чемпионатига йўл олди. Австралия терма жамоаси қитъалараро ўтиш ўйинида ўз кучини намойиш этиб, Перу билан баҳсда пенальтилар серияси эвазига ғалабани қўлга киритди. Шундай қилиб "кенгурулар" ЖЧ-2022да ОФКнинг 6-жамоасига айланди.

Бу йилги мусобақа ҳам жуда қизиқарли кечиши кутиляпти. Албатта, кўпчилигимизнинг эътибори Осиё жамоаларига ҳам қаратилади. Шу ўринда Ўзбекистон миллий терма жамоаси ҳақида қисман гапирадиган бўлсак, биз саралаш баҳсларини Эктор Купер қўл остида бошлаб, кейинчалик Вадим Абрамов билан давом эттирдик. Балки Куперга охиригача имкон берилганида ҳал қилувчи босқичга чиққан бўлармидик. 

Лекин ҳозир бу гаплардан фойда йўқ. Вақт кетиб бўлди. Биз анча пастладик, йўқса Ўзбекистон ҳеч замонда Шри-Ланка, Мальдив каби жамоалар билан ҳисоблашганми? Биз ўз терма жамоамизни Япония, Жанубий Корея, Эрон, Саудия Арабистонига қарши ўйинларда кўришга ўрганиб қолгандик. Биз учун Осиё Кубогига чиқиш чўт эмасди. Ҳозир эса гўёки "пулька" орқали етиб келгандекмиз. 

Бу ўринда аввало нима учун пастладик деган саволни ўзимизга беришимизга тўғри келади. Ҳозир Куперни ёки Абрамовни айблашдан фойда йўқ. Катанецда "мураббий имзоси" йўқ дейиш ҳам ҳеч нимани ўзгартирмайди. Биз футбол тизими бўйича қаердадир хатога йўл қўйдик. Ва токи шу хато тўғриланмас экан, жаҳон чемпионатини орзу қилмасак ҳам бўлади. Зеро мундиалга фақат кучлилар ва муносибларгина боради.

Х.Холиқов.

Rating: +8   

Comments

championat.asia
< show latest news
Яндекс.Метрика