Июль ойининг энг яхши дарвозабони “Қўқон-1912”га қайтди
11 aug 2020 18:39
News

Июль ойининг энг яхши дарвозабони “Қўқон-1912”га қайтди

Tags : Қўқон-1912 Исломбек Абдуллаев

Coca Cola суперлигасининг навбатдаги тур учрашувларига тайёргарлик кўраётган “Қўқон-1912” жамоаси таркибида ўзгариш рўй берди.

Коронавирус пандемияси сабаб анчагина чўзилиб кетган мавсумнинг ўтган 9 турини “Андижон” жамоасида ижара асосида ўтказган дарвозабон Исломбек Абдуллаев “шунқорлар” сафига қайтиб келди. Исломбек мавсум бошида “Андижон” жамоасига ижарага берилган эди. Ёш дарвозабон ўтган турлар мобайнида “Андижон” сафида жуда яхши ўйин намойиш қилди ҳамда жамоанинг кўрсатган натижаларига ўзининг муносиб ҳиссасини қўша олди. Ўтган июль ойида Исломбек Абдуллаев “суперлиганинг энг яхши дарвозабони” деб топилгани ҳам сўзимизга исбот бўлади.

Жамоа мураббийлар штаби ижарадаги дарвозабон Исломбек Абдуллаевни жамоага қайтариш тўғрисида қарор қабул қилишди. Исломбек кеча жамоа шифокорлари назорати остида коронавирусга тест топширди ҳамда "шунқорлар"нинг бугунги машғулотларида фаол иштирок этди.

Ёш ва иқтидорли дарвозабонимизга келгуси фаолиятида омад ёр бўлишини тилаб қоламиз", - деб ёзилади "Қўқон-1912" расмий сайтида.

Эслатиб ўтамиз, championat.asia талқинига кўра Исломбек Абдуллаев июль ойининг энг яхши дарвозабони деб тан олинган эди.

Link :

Source : kokand1912.uz

Receive latest football news directly on your phone. Subscribe for our Telegram channel!

Rating: +3