Иван Ракитич: “Фикрим аҳамиятсиз, лекин Коутиньони қимматга харид қилишди”
08 jan 2018 23:22
News

Иван Ракитич: “Фикрим аҳамиятсиз, лекин Коутиньони қимматга харид қилишди”

“Барселона” ярим ҳимоячиси Иван Ракитич ўзининг янги жамоадоши Филиппе Коутиньонинг трансфери борасидаги фикри билан ўртоқлашди.

Хорватиялик футболчининг фикрича, Коутиньонинг трансферига меъёридан кўп пул сарфланган.

“Менинг фикрим ҳеч нарсани англатмайди, лекин унга кўп пул тўланди. Шундай бўлсада, жамоамизга ажойиб футболчи келиб қўшилганидан хурсандмиз. Клуб президенти ва барчани ушбу трансфер билан табриклайман. Энди Коутиньо оиламиз аъзоси”, - дея фикрини билдирган Ракитич.

Эътиборга молик жиҳати шундаки, Иван бундан бир муддат аввал агар Коутиньонинг трансфери амалга ошса, “Барселона”дан кетишини маълум қилган эди.