Иван Нагаев: "Ҳозирги ҳолатимдан кўпроқ сиқиляпман"

"Ҳар бир жамоа гуруҳдан чиқишга ҳаракат қилади. Биз буни уддалаганимиздан хурсандмиз. Бу натижа ҳар бир кишига аъло кайфият улашади. Барчамиз "Локомотив" жамоаси тарихига кирдик десак ҳам бўлади. Анчадан буён жамоамиз ОЧЛда кўнгилдагидек иштирок эта олмай келаётганди. Гуруҳ босқичи биз учун муваффақиятли тугади. Буёғига янада қийин учрашувлар бўлади. Шунга монанд тайёргарлик кўрамиз. Иван Нагаев кўринмай қолди? Бу аввало мураббийнинг танлови. Балки мен ўйинга тайёр эмасдурман, ёки бошқа сабаблари бордир. Бу ҳақида аниқ бир нарса дея олмайман. Мени майдонга тушиш иштиёқим жуда кучли ва ўзимни кўрсатишни истайман. Режаларим? Ҳозирча билмадим. Ҳаммасини вақт кўрсатади. Албатта бундай пайт одам хафа бўлади. Мен кўпроқ хафа эмас, ҳозирги ҳолатдан сиқиляпман десам тўғрироқ бўлади", - деди Иван Нагаев.