Иван Бошкович: "Об-ҳаво ҳам ўйинга таъсирини ўтказди"

- Баҳс шундай ўтишини кутгандик. Биз рақиб зич ҳимоя билан ўйнашини билардик ва уни енгиб ўтиш бўйича тайёрлангандик. Вазиятларимизни яратдик ва голлар урдик. Аммо, барибир вазиятлардан фойдаланишда оқсамоқдамиз. Охирида асабий ўйин бўлмаслиги учун кўпроқ гол уришимиз мумкин эди. Рақиб иккинчи голга қадар тезкор қарши ҳужумлар орқали тўп киритишга ҳаракат қилди ва ҳатто хавфли вазиятлар ҳам юзага келтирди. Аммо, айтишим мумкинки, биз тўлиқ 90 дақиқа давомида ўйинни назорат қилдик. Бундай ўйинларни эртароқ ва хотиржамроқ тугатиш керак. Йигитларимни табриклайман. Ҳали ишлайдиган жиҳатларимиз кўп. Реализация яхшироқ ҳолатда бўлиши керак. Голга тортадиган вазиятлар жуда кўп. Бироқ асосийси ғалаба. Жадвалда бироз бўлса-да, кўтарилдик. Биз ҳали ҳам биз кутган жойда эмасмиз. Олдинда ўйинлар жуда кўп. Бу йигитлар охиригача курашади. Жамоам яхши футбол намойиш қилмоқда. Янги футболчиларни ривожлантиряпмиз.  Янги футболчиларимдан кўп нарсани кутяпман. 

5 кундан кейин меҳмонда "Пахтакор" билан ўйнаймиз ва бу ўйинда ғалаба учун майдонга тушамиз. Доим ғалаба учун курашамиз, ҳозир яхши ҳолатдамиз ва ортга йўл йўқ. Фақат олдинга!

- Об-ҳаво бугун ўйинга ўз таъсирини ўтказдими? Баҳс эртароқ бошланди.

- Менимча, ҳа. Айрим эпизодлардан кейин футболчиларимнинг тез чарчаб қолганини кўрдим. Динамик футбол биздан бироз қочди. Шунда ҳам қўлимиздан келганча динамик футбол ўйнашга ҳаракат қилдик. Бироқ футболчиларим тез-тез бўлаётган ўйинлардан кейин кичик эпизодларда толиқишни ҳис қилишмоқда. Иккинчи бўлимда бироз салқин тушди ва каттароқ куч билан футбол ўйнадик. Албатта, бу ўйиннинг таъсирини ўтказди.