Latest news

17:10АПЛ раиси лигалар ўйин тақвими бўйича ФИФА билан курашаётганини таъкидлади  0 16:42Ўзбекистон U-17 терма жамоаси Туркия билан ўртоқлик баҳсларида қатнашади  0 16:26МДҲ Кубоги. Ўзбекистон U-15 терма жамоаси Қирғиз Республикасидан устун келди  2 16:02Суперлига. "Хоразм" – "Навбаҳор" (матнли трансляция)  2 15:55"Манчестер Юнайтед" Аморимга мавсум охиригача вақт беришга тайёр  1 15:30Фабио Каннаваронинг охирги иш жойидаги маоши қанча эди?  9 14:55"Ливерпуль" "Реал" қизиқишларига қарамай, Конате билан шартномани узайтирмоқчи  2 14:26"Барселона"нинг ЕЧЛ доирасидаги навбатдаги уй учрашуви қаерда ўтиши маълум  1 13:54"Нефтчи" Абдураимов ва Иванков билан бир ҳафта ичида ҳисоб-китоб қилиши лозим — ПФЛ  4 13:38Ла Лига президенти "Манчестер Сити"ни қаллобликда айблади  2 13:11"Манчестер Юнайтед" 17 ёшли колумбиялик истеъдодни сафига қўшиб олмоқчи  4 12:44Трамп Эрон вакилларининг ЖЧ қуръасида қатнашишига тўсқинлик қилмоқда  9 12:15Жамолиддин Раҳматуллаев: "U-20 Жаҳон чемпионатининг Озарбайжон ва Ўзбекистонга берилиши катта мотивациядир"   2 11:53Ўзбекистон U-18 терма жамоаси Тошкентда Озарбайжон билан ўртоқлик учрашуви ўтказади  2 11:20Каннаваро мураббий сифатида Ўзбекистонга ютқазган ўйинни ёдга оламиз  27

Иван Бошкович: "Жамоада мувозанатни ушлашимиз керак" News

Иван Бошкович: "Жамоада мувозанатни ушлашимиз керак"

Ўзбекистон кубогининг нимчорак финал босқичидан ўрин олган "Сўғдиёна" - "Нефтчи" (1:0) учрашувидан сўнг мезбонлар бош мураббийи Иван Бошкович матбуот анжуманида иштирок этди.

Ўйин ҳақида

- Яхши ўйин бўлди. Шунақа қаршилик бўлишини кутгандик. Бугунги рақибимиз кучли жамоа эди. Қизиқарли учрашув гувоҳига айландик. Йигитлар кўрсатмаларни тўғри ва аниқ бажаришди. Турли ёндашувларга асосланган футбол ўйнадик. Ҳужум, қарши ҳужум, стандарт вазиятлар, барча жиҳатлар бўйича ҳаракат қилдик. Ўйинга рақибдан келиб чиқиб тайёргарлик кўрдик. Биринчи бўлимда вазиятларимиз кўпроқ бўлганди. "Нефтчи" жамоаси яхши ҳимояланди, бизга имконият бермасликка ҳаракат қилишди. Катта ғалабага эришдик. Иккинчи давра учун тайёргарликка жиддий киришамиз.

- Захирадан футболчи майдонга туширганингизда унинг гол уришини ҳис қилганмидингиз?

- Футболни фақат бир футболчи ўйнамайди. Мураббийлар штаби футболчининг ўйинга тайёрлигига ишонган ҳолда майдонга туширади. Футболчи дисквалификация ёки жароҳатга дуч келиши мумкин. Бунда жамоада унинг ўрнини тўлдира оладиган футболчи бўлиши керак. Имкониятдан унумли фойдаланиш керак.

- Ёзги трансферлар ойнаси вақтида режалар қандай?

- Трансферлар жамоадаги мувозатнинг бузилмаслиги учун амалга оширилади. Бизда ҳозир мувозанат бўйича барчаси жойида, натижаларимиз бор. Вазиятга қараб бизни қизиқтирган вариантларни кўриб чиқамиз.

- Петкович жароҳат сабаб бир нечта ўйинларни ўтказиб юборди. Ҳозирда у аввалги даражасида ўйнай олмаяпти. Футболчининг ўйини иккинчи даврада очилиб кетишига ишонасизми?

- Мен барча футболчиларга ишонаман. Унга мослашиб кетиши учун вақт керак, яна жароҳат ҳам олди. Бизда барча бир-бирига ёрдам беради. Унинг маҳоратига ишонаман. Футболчи фақат гол билан жамоага ёрдам бермайди.

- "Нефтчи" билан Суперлигада дуч келганингизда мағлубият қайд этилганди. Бугун ғалаба қозондингиз. Жамоа ҳозирга келиб кучайди, Суперлига жадвалида пешқадамлар қаторида. Мавсум якунида чемпионлик мақсади борми?

- Биз ҳар бир ўйинда ғалаба учун майдонга чиқамиз. "Сўғдиёна" мухлисларига мавсум якунида соврин тақдим этиш учун курашаяпмиз, шунга интиламиз. Бизда катта вазифа шундай. Ҳар бир ғалабали ўйиндан сўнг кейинги ўйинда ҳам шу натижани қайд этиш учун ҳаракатни бошлаймиз. Бизда шароитлар ҳам етарлича.

- Санжар Рашидовни иккинчи даврада жамоада кўрамизми?

- Бизга жамоада мувозанат керак. Ҳар бир футболчини алоҳида қадрлаймиз, ёшлар бор, тажрибали футболчилар бор. Мувозанатни ушлашимиз керак. Кимнидир захирада қолдириш ниятимиз йўқ. Ёшларга кўпроқ имконият беришимиз керак.

- Кубокдаги навбатдаги рақиб "Навбаҳор" билан ўйин ҳақида фикрингиз?

- Ҳар бир жамоа билан ўйнаса бўлади. Бизда яхши таркиб йиқилган. Ким рақиб бўлишидан қатъий назар, ўз ўйинимизни ўйнаймиз. "Навбаҳор" кучли жамоа, лекин биз бу ўйинда ғалаба учун ҳаракат қиламиз.

Rating: +8   

Comments

championat.asia
< show latest news
Яндекс.Метрика