Италия Суперкубоги учун кураш бошланди

Ушбу учрашувда "Ювентус" фаворит ҳисобланади. "Кекса синьора" ички чемпионатининг бирорта ўйинида ҳам мағлуб бўлмади.

Италия Чемпионатида туринликларга тенг келадигани йўқ. Аллегри шогирдлари 19та турдан 17тасида ғалаба қозониб, "Женоа" ва "Аталанта" билан дуранг ўйнади, холос. Энг кам гол ўтказиб юборган (11та) жамоа,  38та гол урди. Буни таққослайдиган бўлсак, "Милан"да ушбу кўрсаткич анча паст – 20та тўп ўтказиб юборилган ва 26та гол. "Россонерилар" дуранг ўйнашни ёқтиради. 7та ўйин дуранг натижа билан якунланганди.

Туринликлар ҳозирда ички чемпионат ва Чемпионлар Лигасига кўпроқ эътибор бермоқда. Суперкубокни қўлга киритиш учун эса жон бериб курашмасликлари мумкин. Шунинг учун, "Милан" совринга эга чиқиши учун имконияти анча юқори.