Италия Кубоги. "Аталанта" - "Ювентус"

Мусобақадаги йўли

"Аталанта" Италия Кубогидаги иштирокини 1/8 финал босқичидан бошлаган, "Кальяри" (3:1). Кейинроқ "бергамоликлар" чемпионат топ-6 вакиллари – "Лацио" (3:2) ва "Наполи" (3:1)ни таслим қилди.

"Ювентус" ҳам турнирдаги биринчи учрашувини 1/8 финалда ўтказди ва қийин беллашувда қўшимча вақтдагина "Женоа"ни (3:2) таслим этди. Кейинроқ туринликлар Б Серия вакили СПАЛ (4:0) ва ярим финалда "Интер"ни (2:1) енгишди.

Муҳим паллалар

Ўйин одатдагидек Римда "Олимпико"да эмас, Эмилия-Романиядаги "Мапеи" стадионида бўлиб ўтади. Ўйинга томошабинлар киритилади - ҳозирча 4700.

Аталанта

1. Гасперини учун биринчи соврин?
"Аталанта" учун бўлажак учрашув жуда ҳам муҳим, бергамоликлар яқин йиллар ичида бирорта соврин юта олишмаган (клуб учун ягона соврин – бу Италия Кубоги 1962/63-йилги мавсумда). Омадсиз финал тажрибаси яқин ўтмишда ҳам бўлган - 2018/19-йилги мавсумда мамлакат кубоги финалида "Аталанта" "Лацио"га имкониятни бой берган (0:2). Шунинг учун ҳам Бергамо жамоаси учун бу совринни қўлга киритиш сўнгги йилларда жамоанинг анча кучли футболи, меҳнати маҳсули бўлиб хизмат қиларди. Жан Пьеро Гасперини учун кубок фаолиятидаги биринчиси бўлиши мумкин. Бу ҳафта жамоа учун Кубок учун беллашув билан якунланмайди, олдинда чемпионатнинг якуний тури ва "Аталанта" тарихда илк бор иккинчи поғонани эгаллаши мумкин.

2. Руслан Малиновский яна "Ювентус"га қарши учрашув қахрамони бўла оладими? 
Ярим ҳимоячи охирги ҳар икки ойда клубнинг "Энг яхши футболчиси" деб топилди. Иккинчи даврада украиналик – нафақат жамоасида, балки чемпионатнинг ҳам энг яхши футболчиларидан бири бўлиб турибди. А Сериянинг охирги 10 учрашувида Малиновский майдонни камида битта самарали ҳаракатни амалга оширган. Бу натижаси орқали Руслан Бергамо клубининг тарихидан жой олди. 12 марта голли узатма берган Малиновский – А Серия ассистентлари ўртасида етакчи. Шунингдек, футболчи ҳисобида яна саккизта гол мавжуд. "Ювентус" ва "Аталанта" финали олдидан ушбу жамоаларнинг сўнгги ўйини "Аталанта"нинг ғалабаси ва Русланнинг ўйин сўнгидаги чиройли голи билан якунланганини қайд этиб ўтиш лозим.

3. Бергамо устунлиги ва "Юве" "лаънатидан қутилиш" 
Гасперини шогирдларига таъсир қилувчи яна бир муҳим факт бу Турин вакиллари билан тўқнашувлардаги нохуш анъанага бархам берилганидир. Шу мавсум "Аталанта" "Ювентус"ни чемпионат доирасида 20 (!) йилда илк бор мағлуб этди! Шубҳасиз, бу клуб вакиллари кайфиятига таъсир қилади. "Юве" устидан қозонилган ғалаба қувончи бир томон бўлса, иккинчи устунлик – "Ювентус"нинг ЕЧЛ зонасидан ташқарида қолиб кетиш хавфли сабабли қўрқуви ҳисобланади.

Ювентус

1. Кубок Андреа Пирлони қутқаради-ми?
Катта эҳтимол, кубок Андреа Пирло учун "Ювентус"даги охирги соврин бўлиб қолиши мумкин. Президент Андреа Аньелли тажрибасиз Пирлони тайинлаб таваккал қилди ва бу ҳаракат ўзини оқламади. Кўплаб ОАВ хабарларига кўра, Пирло мавсумс тугаши биланоқ "Ювентус" кубокни қўлга киритса ёки тўртликдан жой эгалласа ҳам. Шунинг учун финал – мураббий учун "Ювентус"ни чиройлироқ тарк этиш учун имконият.

2. Кьеллини ва Буффон илк дақиқалардан. Бу тартибли ҳимоя учун етарли бўлармикан?
Табиийки, бу учрашувни ўтказиб юборувчи футболчиларга эътибор қаратиш зарур – улар кўп эмас, аммо ҳимоянинг икки муҳим вакили финални ўтказиб юборади. Дисквалификация сабаб қанот ҳимоячиси Алекс Сандро, жароҳати сабаб марказий ҳимоячи Леонардо Бонуччи жамоасига ёрдам бера олмайди. Уларнинг ўрнини ким эгаллашига тўхталиб ўтадиган бўлсак, Сандро йўқлигини Хуан Куадрадо билдирмасликка ҳаракат қилади, марказда эса "кекса синьора"нинг "кекса" вакили Жоржио Кьеллинини кўрамиз. Туринликлар сафидаги сўнгги финалини Жанлуиджи Буффон ҳам ўтказади, аввалроқ посбон мавсум охирида клубни тарк этишини маълум қилганди.

Таъкидлаш лозим, икки тажрибали футболчининг майдонга туширилиши ҳам ҳимоя мустаҳкамлигини таъминлаш учун етарли бўлмаслиги мумкин. "Юве" ҳимояси айниқса мавсумнинг иккинчи қисмида буткул ишончсиз ҳаракат қилмоқда ва мунтазам равишда гол ўтказиб юборяпти. Барча турнирлардаги ўйинларни инобатга олсак, қаторасига 14 учрашувда жамоа камида биттадан гол қўйиб юборган.

3. Роналду учун "Ювентус"даги охирги финал?
Ўта муҳим учрашув олдидан бевосита ўйинга оид фактлар қаторида оммавий ахборот воситаларидаги Криштиану Роналдунинг "Ювентус" кетиши борасидаги хабарларни қайд этмай илож йўқ. Ҳафта аввалида ижтимоий тармоқларда португалияликнинг барча автомобиллари Туриндаги хонадонидан машиналарни Лиссабон юк ташиш компанияси ташувчисига юклашаётгани акс этган видео тарқалди. Баъзи ОАВ ёзишича, бу каби операция ҳар йили амалга оширилиши ва бу шунчаки машиналарни техник кўрикдан ўтказиш сабаблилигини ёзмоқда. Аммо аслида нима бўлса ҳам, бу каби ҳар қандай янгилик клуб ва футболчилар ўртасидаги муҳитга таъсир ўтказиши турган гап. Чунки португалиялик – ҳозирги "Ювентус"нинг асосий юлдузи. Роналду нафақат машҳурлик бобида, балки "Юве" сафида тўпурарлигини (29 та гол) ҳам эсдан чиқармаслик зарур.

Таркиблар ва тактика

Жан Пьеро Гасперини томонидан жиддий ўзгаришлар қилиниши кутилмаяпти. Таркиб танлашда унда ортиқча муаммо юзага келмаса керак. Украиналик ярим ҳимоячи Виктор Коваленко - жароҳатланган ягона футболчи ва у Реджио-Эмилияга жамоа билан йўл олмаган. Учрашув учун Гасперини одатий тактикани танласа ажаб эмас – 3-4-2-1. "Аталанта" олдинроққа чиқарилган марказий ҳужумчи Дуван Сапат ва унинг ортида Руслан Малиновский ҳамда Маттео Пессина билан ҳаракат қилиши эҳтимоли юқори. Ҳимояда шунингдек жароҳатидан фориғ бўлган Рафаэль Толоини кўрсак керак.

Андреа Пирло қўл остида ҳам муҳим футболчиларнинг асосий қисми "жангга" тайёр. Дисквалификация сабаб Алекс Сандро ўйинни ўтказиб юборади, жароҳат Леонардо Бонуччига ҳалақит қилади. Таркиб борасида бергамоликлардан фарқли ўлароқ, Турин жамоасига саволлар кўпроқ, айниқса ҳимоя марказида: Кьеллини (фаворит) ёки Демирал Де Лигт билан елкама-елка тўп тепадими. Алекс Сандро йўқлигини инобатга олиб, Куадрадо ва Данило қанотларни эгаллаши кутилмоқда. Майдон марказида Деян Кулушевски, Бентанкур, Рабьо ва Кьезани кўрамиз чоғи. Таркибда кафолатланган ўринаг эга Криштиану Роналду ва у билан Дибала ёки Мората. Пирло тактикаси ҳам одатдагидек – 4-4-2.

Сўнгги 10 учрашув статистикаси

Нозима Зарипова таржимаси