Исроилов, Норбеков ва Раҳматуллаев “Қўқон-1912”да
06 jan 2020 19:59
News

Исроилов, Норбеков ва Раҳматуллаев “Қўқон-1912”да

Тошкент шаҳрида ўқув-йиғин машғулотларини олиб бораётган “шунқорлар” таркибига янги футболчилар келиб қўшилиши давом этади.

Олинган маълумотларга кўра, Бахтиёр Ашурматов бошқарувидаги “Қўқон-1912” жамоаси таркибига ўтган мавсум “Сурхон”да фаолият юритган ҳимоячи Азамат Исроилов билан ҳужумкор ярим ҳимоячи Шохназар Норбеков келиб қўшилган.

Булардан ташқари тажрибали марказий ярим ҳимоячи Дилшод Раҳматуллаев ҳам куни-кеча қўқонликлар ўқув-йиғин машғулотларига қўшилди. Олдинроқ хабар берганимиздек, мазкур футболчи аввалига “Бунёдкор”да шуғулланаётганди. Бугун “қалдирғочлар” хориж йиғинига жўнаб кетди. Афтидан Раҳматуллаев Тошкент жамоасида қолмаслиги аниқ бўлгач, “Қўқон-1912” лагерида пайдо бўлди. Ҳозирча Дилшоднинг бу жамоада қолиши сўроқ остида турибди.