Исроил ҳужуми туфайли Тареми жаҳон чемпионатига бора олмади
14 jun 17:15
News

Исроил ҳужуми туфайли Тареми жаҳон чемпионатига бора олмади

Италия ахборот агентлиги (ANSA) хабар беришича, "Интер"нинг эронлик ҳужумчиси Меҳди Тареми Исроилнинг Эронга бошлаган ҳарбий операциясидан сўнг жамоасининг Калифорниядаги ўқув-машғулот йиғинига қўшилиш учун АҚШга бора олмаган.

Италия клуби турнирдаги иштирокини сешанба куни кечқурун Мексиканинг "Монтеррей" жамоасига қарши ўйин билан бошлайди. "Интер" "E" гуруҳида Аргентинанинг "Ривер Плейт" ва Япониянинг "Урава Ред Даймондс" жамоалари билан куч синашади.

ANSA маълум қилишича, 32 ёшли Таремининг парвози мамлакат ҳаво ҳудуди ёпилгани сабабли хавфсизлик нуқтаи назаридан бекор қилинган.

Хабарда айтилишича, "Интер" футболчи билан доимий алоқада бўлиб, унга турнир бошланишидан олдин жамоадошлари сафига қўшилиш имконини берадиган ечим топишга ҳаракат қилмоқда. Бироқ хавфсизлик сабаблари туфайли вазият мураккаблигича қолмоқда.

Тареми Эрон терма жамоаси билан 2026 йилги Жаҳон чемпионати Осиё минтақаси саралаш босқичида иштирок этган эди. Эрон "А" гуруҳида биринчи ўринни эгаллаб, мундиалга тўғридан-тўғри йўлланмани қўлга киритди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4