Испания терма жамоаси ҳужумчиси "Атлетико"га ўтиши мумкин
30 dec 2019 14:46
News

Испания терма жамоаси ҳужумчиси "Атлетико"га ўтиши мумкин

"Боруссия" (Дортмунд) ҳужумчиси Пако Алькасер қишки трансферлар ойнасида жамоани тарк этиши мумкин.

Жамоага норвегиялик Эрлинг Холанд келганидан сўнг испаниялик футболчи жамоадаги ўрнига шубҳа билан қарамоқда. Қайд этиш керакки, ўйинчи кетишни хоҳлаётгани ҳақида клубни огоҳлантирди.

Футболчи иккинчи даврада муваффақиятли ўйнаш учун Испанияга қайтишни хоҳламоқда ва Евро-2020 учун терма жамоа таркибига кирмоқчи. Хабар қилинишича, форварднинг хизматларига у билан музокаралар олиб борган "Атлетико" клуби қизиқиш билдирмоқда.

Аммо, ПСЖ ҳужумчиси Эдинсон Каванининг пойтахт клубига ўтиши мумкинлиги сабаб трансфер амалга ошмай қолиши мумкин.

26 ёшли Алькасер жорий мавсум "Боруссия" таркибида 15та ўйинда майдонга тушиб, 7та гол ва 2та ассист қайд этди.

Эслатиб ўтамиз, Пако 2014 йилдан буён Испания терма жамоаси шарафини ҳимоя қилади.

Link :

Source : Marca

Receive latest football news directly on your phone. Subscribe for our Telegram channel!

Rating: