Испания чемпионати турнир жадвалида нима гап?
02 oct 2017 10:32
News

Испания чемпионати турнир жадвалида нима гап?

Кеча Испания чемпионатининг 7-тур учрашувлари якунланди.

ЛаЛига грандлари "Барселона" ва "Реал" ишончли ғалабаларга эришишди. Референдум ўтган Каталонияда "Барселона" - "Лас-Пальмас" учрашуви ёпиқ эшиклар остида ўтди ва бу баҳсга мухлислар киритилмади. "Барселона" Мессининг дубли ва Бускетснинг голи туфайли 3:0 ҳисобидаги ғалабани қўлга киритди.

Мадриднинг "Реал" клуби ўз уйида "Эспаньол"ни қабул қилди ва Исконинг дубли эвазига навбатдаги 3 очкони нақд қилди.

ЛаЛига турнир жадвалида ҳозирча бирорта мағлубият ёки дуранг қайд этмаган "Барселона" етакчилик қилмоқда. Улар 7та учрашувда 21 очко тўплашди. Дунё бўйлаб миллионлаб ишқибозлари бўлган "Реал" эса 14 очко билан 5-ўринни эгаллаб турибди. Чемпионатда бор-йўғи 1 очко тўплаган "Малага" клуби сўнгги - 20-поғонани банд қилган.