Исломбек Исоқжонов "Пахтакор" билан ўйиндан олдин: "Биз рақиб танламаймиз"

- Бўлажак ўйинга жиддий тайёргарлик кўрдик. Боиси, “Пахтакор” амалдаги мамлакат чемпиони ва жорий мавсумнинг ортда қолган баҳсларида юз фоизлик натижа қайд этган турнир пешқадами. Бир сўз билан айтганда, кучли рақиб. Аммо “Навбаҳор” бу йил ўз олдига жиддий мақсадлар қўйган ҳамда ҳар қандай жамоага муносиб қаршилик кўрсата олишга қодир, яъни, биз рақиб танламаймиз. Айниқса, Намангандаги ўйинларда ҳар қандай жамоага қийин бўлиши шубҳасиз.

Бўлажак учрашувларда жамоавий ўйин намойиш этиб, ўйиндан – ўйинга натижаларни яхшилаб, мухлисларни хурсанд этишга ҳаракат қиламиз. Сўнгги турларда жамоамизга омад етишмади. Аммо ҳали мухлислар кутган қувончли ва ғалабали онларимиз олдинда.

Худо хоҳласа, “Пахтакор”га қарши кечадиган баҳсда ғалаба қозониб, мухлисларимиз, қолаверса, мураббийларимиз ва бизга шунчалик шарт - шароитлар яратиб бераётган жамоамиз раҳбарларига ютуқни тақдим этамиз. Буни амалга ошириш учун барча имкониятимизни ишга соламиз.

Мухлислардан эса 7 апрель куни жамоамизни ҳар доимгидек, 12-ўйинчи сифатида муносиб тарзда қўллаб-қувватлашларини сўрайман. Бу бизга қўшимча руҳ ва қувват беради ҳамда ғалабамизга мадад бўлади, деган умиддаман.

Биз – футболчилар доимо ишқибозларнинг ишончларини оқлашга интиламиз", - дейди Исломбек Исоқжонов.  

Navbahor Islombek Isoqjonov - 71'

Superliga. Round 5 07/04/2021, 18:30 2 : 1 Finished

Pakhtakor Dragan Ceran - 40', Dragan Ceran - 90'

45'

90'

22'  Islombek Isoqjonov

57'  Slavisa Stojanovic (Abbos Gulomov)

70'  Ehsoni Panshanbe (Nikola Tasic)

71'  Islombek Isoqjonov

76'  Davron Khashimov

76'  Islombek Isoqjonov (Zabikhillo Urinbaev)

81'  Igor Golban

40'  Dragan Ceran

40'  Sardor Sobirkhodjaev

45'  Sherzod Agzamov

46'  Azizbek Turgunbaev (Khojimat Erkinov)

69'  Abror Ismoilov

72'  Sharof Muhitdinov (Humoyunmirzo Iminov)

90'  Dragan Ceran

90'  Dragan Ceran (Shahzod Azmiddinov)

90'  Sanjar Quvvatov

Open in Match Center