Исломбек Исоқжонов: "Бу сафар ўйинимиз чиқмасада вазифани бажардик"

Ўзаро икки учрашув натижасига кўра, "бургутлар" чорак финал йўлланмасини қўлга киритди. Навоийлкларга қарши кечган баҳсда биринчи тўпни киритиб, иккинчи голга ассисентлик вазифасини ўтаб берган Исломбек Исоқжонов шу куни кўпчиликда илиқ таассурот қолдирди. Шу боис ўйиндан сўнг Исоқжоновнинг фикрлари билан қизиқдик.

- Ўйин қийин бўлиши аввалдан маълум эди.  Мухлислар олдида ва қолаверса ўтган учрашувдаги мағлубиятдан сўнг бу сафар ғалаба қозонишимиз шарт эди. Гарчи бугун ғалаба қозонган бўлсакда, ўз ўйинимизни тўлиқ намойиш эта олмадик. Баъзида шундай бўладики, яхши ўйнаб мағлуб бўласан. Баъзида эса аксинча холат бўлади. Муҳими биз ўз олдимизга қўйилган вазифасини бажариб, чорак финал йўлланмасини қўлга киритдик.

- Эндиликда бор эътиборимизни олдимизда турган чемпионат доирасидаги "Шўртан"га қарши баҳсга қаратилади. Насиб қилса келгуси учрашувларда ҳам мухлисларимизни хурсанд қиламиз деган умидаман - дейди Исоқжонов.

"Андижон" матбуот хизмати