Ислом Қобилов: "Катта иштиёқ эвазига ғалаба қозондик"
12 mar 2022 20:25
News

Ислом Қобилов: "Катта иштиёқ эвазига ғалаба қозондик"

Суперлиганинг 2-туридан ўрин олган "Локомотив" – АГМК (2:1) учрашувидан сўнг "темирйўлчилар" ҳимоячиси Ислом Қобиловнинг фикрларига қулоқ тутдик.

"Мавсумнинг дастлабки турида икки жамоа ҳам мағлубиятга учрагани сабаб ўйин жуда шиддатли кечиши табиий эди. Чиндан ҳам ўйин жуда қизиқарли ва муросасиз кечди.

Ўйин аввалида бош мураббийимиз баҳс назоратини ўз томонимизга олишимиз кераклигини уқтирганди. Биз эса буни бажаришга интилдик. Гарчи биринчи бўлиб ўз дарвозамиздан тўп олиб чиққан бўлсак-да, ўзимизни йўқотиб қўймадик. Мувозанатни тиклашга эришдик. Танаффусдан сўнг яна мураббийимиз кўрсатмаларига амал қилдик. Амалга оширилган ўзгаришлар самара келтириб, ғалаба қозондик ва муҳим бўлган 3 очкони қўлга киритдик.

Бу ғалаба мураббийимизнинг кўрсатмалари ҳамда йигитларнинг ғалабага бўлган иштиёқлари эвазига қўлга киритилди", – дея сўзини якунлади Қобилов.

Link :

Source : championat.asia

Receive latest football news directly on your phone. Subscribe for our Telegram channel!

Rating: -1