Ислом Қобилов 8-тур учрашувини ўтказиб юборади

Мазкур ўйинга "Металлург" пухта тайёргарлик кўрмоқда. Мусобақа жадвалининг сўнгги поғонасида бораётган “Металлург” учун 3 очко сув ва ҳаводек зарур. Қўқондаги мағлубиятдан кейин мураббийлар штаби футболчиларнинг руҳий ҳамда жисмоний тайёргарликлари борасида жиддий иш олиб боришди. Бугунга келиб таркибдаги ўйинчиларнинг барчаси руҳан тетик, мағлубият унутилган, ғалаба иштиёқида майдонга тушишга шай. Фақатгина “Қўқон 1912” жамоасига қарши учрашувда иккита сариқ карточка олиб, майдонда четлатилган Исломжон Қобилов жамоадошларига ёрдам бера олмайди. Аммо у ҳам майдон четида туриб бўлса-да, жамоани қўллаб-қувватлайди.

Эслатиб ўтамиз, Бекободдаги учрашув соат 16:30 да бошланади. Ўйин тафсилотларини “Металлург” ПФКнинг қуйидаги манбалари орқали онлайн тарзида кузатиб боришингиз мумкин. Телеграмм: @fcmetallurg, twitter: @fcmetallurg.

«Металлург» (Бекобод) – «Бухоро» (Бухоро)
Ҳакамлар: В. Коваленко (Тошкент), М. Саидқосимов (Тошкент), Р. Серазетдинов (Тошкент), С. Абдурахмонов (Тошкент)
Назоратчи: Ш. Жумаев (Қарши).
ЎзПФЛ вакили: Ш. Ражабов.

"Металлург" матбуот хизмати