Latest news

00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  5 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  5 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0 21:21"Милан" "Реал"дан Фран Гарсиянинг нархини сўради. "Қироллик клуби" эса...  0 20:56Хави Симонс Лондон клубига ўтишга тайёр  0 20:18Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда  2 19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  4 19:14Гвардиола мўйловини ўстирди  11 18:45Ўртоқлик ўйини. "Арсенал" ва "Ньюкасл" ўртасида Сингапурдаги ўйинда 5 та гол урилди  2 17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  2 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  5

Ислом Кенжабоев: "Навбаҳор" мавсум тугамасидан олдин таклиф билан чиққан эди" News

Ислом Кенжабоев: "Навбаҳор" мавсум тугамасидан олдин таклиф билан чиққан эди"

Наманганнинг "Навбаҳор" жамоаси қишки трансферлардаги фаоллиги билан барчанинг нигоҳини ўзига қаратмоқда.

 Самвел Бабаян қўл остида юқори ўринлар учун курашадиган футболчилардан жамоани шакллантирмоқда. Жамоанинг қўлга киритган энг яхши футболчиларидан бири Ислом Кенжабоевдир. Аввалги йилларда "Насаф"да порлаган хужумкор ярим ҳимоячи ўтган мавсумни Кореяда бошлаб Ўзбекистонда якунлади. Яқинда "Навбаҳор" билан шартнома имзолаган футболчи сайтимизга фикрларини билдириб ўтди. 

- "Навбаҳор"га ўтишингиз ҳақидаги хабарлар анча аввал тарқалган эди. Яқинда бу ҳақида клуб расмий хабар берди. Наманганликлар таклифи қачон бўлганди?

- "Навбаҳор" мавсум якунига етмасдан олдин таклиф билан чиққан эди. Уйдагилар билан маслаҳатлашдик. Жамоанинг режалари ва мақсадлари билан танишдик. Жамоа чемпионлик учун курашади. Барчасини ҳисобга олиб розилик бердим. 

- Қишки трансферлар ойнаси вақтида яхши савиядаги футболчи олдида бир нечта танлов имконияти юзага келади. Шундай экан "Навбаҳор"га ўтишингизга нима асосий туртки бўлди?

- Гапингиз мутлақо тўғри. Яхши футболчига кўплаб таклифлар қабул қилади. Мураббийнинг ўзи билан гаплашиб олдим. Барчаси маъқул келгач шартномага қўл қўйдим. 

- Хориж жамоаларидан бирига ўтиш имкони нима учун амалга ошмади? Балки Кореядаги легионер сифатидаги қийинчиликларни кўрганингиз бунга тўсқинлик қилдими?

- Корея ҳақида кўп гапирганман. Шу боис бу мавзуга бошқа қайтишни, эслашни истамайман. Ҳали хорижга чиқишни ўйлаганим йўқ. Вақти келса ўйнайман. Легионерга айланишим учун ўзимни руҳан, жисмонан ҳар томонлама тайёрлашим керак. Балки кейинги мавсумда ўйлаб кўрарман. 

- Ҳар ҳолда "Насаф"да тўп тепиб юрган кезларингизда салоҳиятингиз юқори баҳоланган, Европа давлатларига йўл олишингиз кутилганди...

- Ҳозир ҳам хорижда ўйнаб кетишимга ишонаман. Лекин юз фоиз тайёр бўлиб, борганда ҳам етакчиликни қўлга оладиган даражада ўйнашим керак. Кореяга ўхшаб захирада қолишни ёқтирмайман. 

- "Навбаҳор" мухлисларига нима, деган бўлардингиз?

- Стадионга келиб ғалабада ҳам, мағлубиятда ҳам қўллаб- қувватлашса бизга янада осонроқ кечади. Ўзимиз кўзлаган мақсадимизга эришишимизга уларнинг ҳам ёрдами бўларди.

Rating:    

Comments

championat.asia
< show latest news
Яндекс.Метрика