Ишонмайсиз, лекин бу факт!

Айни пайтда Германиянинг "Бавария" жамоаси шарафини ҳимоя қилаётган франциялик вингер Кингсли Коман профессионал фаолиятини бошлагандан буён фақат чемпионликни қўлга киритмоқда. 

Кингсли Коман ҳисобида 5та олтин медал мавжуд. Футболчи ўзининг профессионал фаолиятини ПСЖ жамоасида бошлаган ва Франция чемпионатида кетма-кет икки бор олтин медалга сазовор бўлган. Шундан сўнг Коман фаолиятини "Ювентус"да давом эттирди ва Италияда ҳам чемпионликка эришди. 2015 йили "Бавария"га ўтган футболчи Германияда ҳам кетма-кет икки йил чемпионлик шоҳсупасига чиқди.

Кингсли Коман профессионал фаолиятини бошлагандан буён қаерга борса ўша мамлакатда чемпион бўлмоқда. Франция терма жамоаси аъзоси активида ҳозирга қадар "кучли бешлик"даги учта лиганинг олтин медали мавжуд.