Ироқ ОТЖ бош мураббийи: "Чорак финалда осон рақиб бўлмайди, энг муҳими бор кучимизни ишга солиш"
23 apr 2024 15:05
News

Ироқ ОТЖ бош мураббийи: "Чорак финалда осон рақиб бўлмайди, энг муҳими бор кучимизни ишга солиш"

Ироқ олимпия терма жамоаси бош мураббийи Саудия Арабистонига қарши кечган учрашувдан сўнг (1:2) матбуот анжуманида иштирок этди

Жаноб бош мураббий, жамоангиз ўз гуруҳида биринчи ўринни эгаллади. Чорак финалда эса "D" гуруҳида иккинчи ўринни эгаллаган билан тўқнаш келасизлар. "D" гуруҳида иккинчи ўринни Ўзбекистон ва Вьетнам терма жамоалари эгаллаши мумкин. Шу икки терма жамоа яъни чорак финалдаги потенциал рақибларингиз ҳақидаги фикрларингиз билан бўлишсангиз?

- Икки жамоа ҳам жуда кучли деб ўйлайман. Чорак финал босқичида осон рақиб ва осон ўйинлар бўлмаслиги аниқ. Энг муҳими, биз ўзимизнинг энг яхши ўйинимизни намойиш этишимиз керак. Эртага Ўзбекистон ва Вьетнам ўртасидаги учрашувни томоша қиламан.