Иорданияда Осиё чемпионатининг тантанали очилиш маросими ўтказилди

Мамлакат пойтахти Амманда бўлиб ўтган мусобақанинг очилиш маросими тантанали равишда кечди. Бунда иорданиялик машҳур хонандалар Нидаа Шарара ва Ҳана Малҳас мусобақанинг расмий қўшиғи "Cheer for Her"ни ижро этиб беришди. Қўшиқ сўзлари араб ва инглиз тилида ёзилган.

Қўшиқни араб тилида куйлаган хонанда Нидаа Шарара ўтган йил "Араб овози" совринини қўлга киритган. Очилиш маросимида шунингдек бошқа санъаткорлар ҳам иштирок этишди. Маълумот учун, бу йилги Осиё чемпионатида 8та жамоа иштирок этмоқда. Жамоалар тўрттадан икки гуруҳга бўлинган. "А" гуруҳида Хитой, Филиппин, Иордания ва Таиланд курашмоқда, "В" гуруҳидан Япония, Австралия, Жанубий Корея ва Вьетнам ўрин олган.

Яна бир маълумот шуки, ОФК ўз тарихида биринчи марта мусобақа мезбонлигини Ғарбий Осиё давлатига топширди. Мусобақада саккизта аёллар жамоаси иштирок этаётган бўлса, шундан омадли бештаси кейинги йил Францияда бўлиб ўтадиган жаҳон чемпионати йўлланмасини қўлга киритади.

Осиё чемпионатининг расмий қўшиғи

TAS-IX эмас