Latest news

21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  4 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  9 20:24Одил Ҳамробеков: "Нималар қилиб қўйганимизни тўлиқ ҳис қила олмаяпман"  9 20:00Ўзбекистон кубоги. "Динамо" ва "Лочин" ўртасидаги 1/8 финалнинг илк ўйини бўлиб ўтмоқда (онлайн ҳисоб)  7 20:00УЕФА Миллатлар лигаси. Франция учинчи ўрин учун баҳсда Германияни мағлубиятга учратди  26 19:54Про лига. "ФарДУ" ва "Арал" ўртасидаги ўйин тақдирини ягона гол ҳал қилди  2 19:38"Реал" мухлислари учун хушхабар  0 18:34Ўзбекистон U-21 — Россия U-21. Ўртоқлик ўйини учун таркиблар маълум  27 18:28"Қора" ишчилар мукофотланмайдими?  14 18:03Мундиал йўлланмасини тақдим этган БАА — Ўзбекистон ўйинидан мухлислар ФОТОГАЛЕРЕЯси  1 17:38Бернарду Силва "Манчестер Сити"ни тарк этиши мумкин  0 16:25Тер Штеген "Барселона" матбуот босими орқали уни кетишга мажбур қилмоқчи деб ҳисобламоқда, аммо...  10 15:55"Ливерпуль" ва "Милан" собиқ футболчиси Сегунда клубига ўтди  1

Интервью. Ислом Кенжабоев: "Келажакда фарзандларим исмимни эшитганда фахрланишини истайман" News

Интервью. Ислом Кенжабоев: "Келажакда фарзандларим исмимни эшитганда фахрланишини истайман"

Қаршининг "Насаф" жамоаси янги мавсум учун таркибни кучайтириш ишларини бошлаб юборган.

 Хусусан, "аждарлар" бир неча кун олдин тезкор вингер Ислом Кенжабоев билан шартнома имзолаганини эълон қилди. Биласиз, Кенжабоев айнан "Насаф"даги ўйинлари орқали танилган. "Қизилқум"ни Суперлигада олиб қолишга муносиб ҳисса қўшган футболчи эндиликда "Насаф" билан катта марраларни кўзламоқда. Сайтимиз журналисти Абдулазиз Искандаров Ислом Кенжабоевнинг бу борадаги фикрлари билан қизиқди. 

- "Қизилқум"ни Суперлигада олиб қолиш вазифаси қандай бажарилди? Аслида жон сақлаш йўлига тушиб қолинишига нима сабаб бўлди?

- Ортда қолган мавсум ҳақида фикр юритадиган бўлсак, ҳақиқатдан ҳам "Қизилқум" учун оғир келди. Бундай ҳолга келишимизга ҳеч ким айбдор эмас. Сабаби жамоамиз билан бирлаша олмадик, деб ўйлайман. Кўп ўйинларда муҳим очколарни бой бердик. 

- Биринчи даврада кўп қизил карточкалар, тушунмовчиликлар кўп эди. "Қизилқум" иккинчи даврада қандай ўзгарди? 

- Иккинчи даврада таркибимиз кучайди. Жамоамизга бир нечта тажрибали ва маҳоратли футболчилар келиб қўшилди. Вақт ўтгани сари жамоа янада яхшироқ ҳаракат қилишни бошлади. Кетма-кет очколар ишладик. Гарчи плей-оффда бўлса ҳам Суперлигада қолиш вазифасини уддасидан чиқдик. 

- Суперлига учрашувларининг бирида мураббий сизни алмаштириш чоғидаги воқеалардан сўнг турли гаплар чиқди. Асрор Алиқулов билан ҳеч қандай келишмовчилик бўлгани йўқми? 

- Асрор Алиқулов билан ҳеч қандай зиддият ёки келишмовчилик бўлмаган. Ўша ўйинда жамоамиз ҳисобда ортда бораётган эди. Мен мағлубиятга учрашни истамайман. Шу боис бу пайтда майдондан чиқишга қаршилик кўрсатдим. 

-  Нима учун "Насаф"га қайтишга қарор қилдингиз? Олдингизда "Локомотив", "Нефтчи" вариантлари бор эди. "Насаф" таклифи "Локо" ва "Нефтчи"никидан яхшироқмиди?

- Бунинг ўзига яраша сабаблари бор. "Насаф" раҳбарияти билан барчасини гаплашиб олдик. Жамоа олдига катта мақсад ва муҳим вазифа қўйилган. Қолаверса, севимли жамоамдан таклиф бўлганлиги учун рад қила олмадим. Танловимдан мамнунман. 

- Кореядаги фаолиятингиздан сўнг сизни бошқа легионер сифатида кўрганимиз йўқ. Бу йил сиз учун сермаҳсул ўтди. Хориждан таклифлар бўлдими?

- Албатта. Хориждан 3-4та таклифлар бор эди. Лекин "Насаф"нинг таклифи жиддий бўлгани учун барчасига рад жавобини бердим. 

-  Ислом Кенжабоевнинг ҳаётдаги шиори қандай? Ўзингизга қандай мотивация берасиз, руҳий томонлама?

- Ҳаётдаги шиорим доим олдинга интилиш. Мақсадим севимли касбимдан роҳатланиш ва энг юқори натижаларга эришиш. Мотивацияни кўпроқ оиламдан оламан. Ота-онам дуоси, отамнинг орзуси менга мотивация беради. Иккита фарзандимни кўрганимда улар учун ҳаракат қилишим кераклигини, келажакда исмимни эшитганда фахрланишини истайман.

Rating: +5   

Comments

championat.asia
< show latest news
Яндекс.Метрика