"Интер Майами" мураббийи: "Мессининг трансфери? Нега энди йўқ?"

"Мессининг трансфери? Нега энди йўқ? Бу содир бўлиши мумкинлигига ишонаман. Бутун дунё футболчилари MLS'ни кучли лига деб билади. Бундай даражадаги келишув – вақт талаб қиладиган мураккаб жараён. Агар Месси сафимизга қўшилса, хурсанд бўламан, чунки мен энг яхши футболчилар билан ишлашни ва улардан ўрганишни яхши кўраман", – деди Невилл.

Аввалроқ 35 ёшли аргентиналик футболчи 2023 йилнинг ёзида "Интер Майами"га ўтиши мумкинлиги ҳақида хабар берилганди.

Месси жорий мавсум ПСЖ сафида барча мусобақалар доирасидак 19 та ўйинда майдонга тушиб, 12 та гол урди ва 14 та голли узатмани амалга оширди. Transfermarkt порталига кўра футболчининг нархи 50 миллион еврога баҳоланмоқда.