"Интер Майами" Ди Марияни қўлга киритмоқчи

Инсайдер Фабрицио Романо хабарига кўра, MLS клуби 35 ёшли футболчини эркин агент сифатида қўшиб олиш имкониятини кўриб чиқмоқда. Футболчи учун Европа клубига ўтиш устувор вазифа бўлиб қолмоқда. Қайд этилишича, айни дамда "Бенфика" Ди Марияни қўлга киритишга ҳаракат қилмоқда.

Шунингдек, "Интер Майами" Серхио Бускетс билан шартнома имзолаш илинжида юрибди.

Ди Мария 6 июнь куни "Ювентус"ни тарк этишини элон қилди. У ўтган мавсум барча мусобақаларда 40 та ўйинда майдонга тушиб, 8 та гол урди ва 7 та голли узатмани амалга оширди.

Аввалроқ Лионель Месси "Интер Майами" сафига бориб қўшилган эди.