"Интер" мавсум якунлангандан сўнг Хакимининг трансферини эълон қилади

Миланликлар мавсум якунлангандан сўнг трансферни расман эълон қилишмоқчи. Яъни "Интер" 2020/21 йилги мавсумга тайёргарлик кўриш арафасида футболчиларни чақирганда, Хакими бўйича расмий маълумот бермоқчи.

А Сериянинг 2019/20 йилги мавсуми августда якунланади. Аммо, "Интер" Европа Лигасини ҳам кутишига тўғри келади.

Қайд этиш керакки, Хакими таътил учун рухсат олган, сабаби у жорий мавсумни ижара асосида "Боруссия" (Дортмунд)да ўтказди ва Германияда мавсум якунланди.

Олдинроқ, 21 ёшли ўйинчининг "Интер" билан 5 йиллик шартнома имзолаши ва 5 миллион евро маош олиши айтилган эди. Трансфер нархи эса 40 миллион евродан ортиқроқни ташкил этади.