Инфантино янги форматдаги клублар ўртасидаги ЖЧ ҳар йили ўтказилмаслигини билдирди

“Бугун биз йиғилишда жуда кўп муҳим қарорларни тасдиқладик. Бироқ, клублар ўртасидаги мундиалнинг форматини ўзгартириш энг асосийси бўлди. 2021 йилдан бошлаб мазкур мусобақа янги форматда, 24та жамоа билан ҳар 4 йилда ўтказилишини хурсандчилик билан маълум қиламан. Биз терма жамоалар ўртасидаги Конфедерациялар Кубоги учун мўлжалланган саналарни ажратиб олдик ва мазкур мусобақанинг ўрнига, клублар ўртасидаги ЖЧни синовдан ўтказишни режалаштирганмиз. Давоми қандай бўлишини эса вақт кўрсатади.” – дейди Инфантино.

Эслатиб ўтамиз, мусобақанинг аввалги форматида 6та конфедерациянинг энг кучли клублари ҳамда мезбон жамоа бирга 7та қатнашчи иштирок этарди. Қайд этиш жоизки, ушбу турнир 2000-йилдан буён ўтказиб келинмоқда.