Индонезия клуби охирги дақиқаларда 12-футболчини майдонга туширди
24 dec 2024 15:23
News

Индонезия клуби охирги дақиқаларда 12-футболчини майдонга туширди

Индонезиянинг "ПСМ Макассар" клуби "Барито Путера"га қарши баҳсда айёрликка қўл урди.

Сўнгги дақиқаларга келиб, "ПСМ Макассар" 3:2 ҳисобида олдинда бораётганди. Ғалабани қўлдан бой бермаслик мақсадида жамоа ҳеч кимга сездирмай 12-футболчини майдонга тушириб юборди ва чиндан ҳам ҳакамлар бригадаси буни сезмай қолади. Натижада, айёрлик иш бериб, учрашувда ҳисоб ўзгармайди.

Бироқ рақиб жамоа вакиллари ўйиндан сўнг фото ва видео исботларни тақдим этиб, "Макассар" ноҳақ ғалаба қозонгани бўйича ариза топширади. Ҳозирча бу борада расмий қарор чиқарилмаган, лекин катта эҳтимол билан ""ПСМ Макассар"га техник мағлубият (0:3) ёзилади.