Инчеон 2014. Таэквондочиларимиздан битта олтин ва битта кумуш!

87 килограмм вазн тоифасида юртимиз шарафаини ҳимоя қилаётган спортчимиз Жасур Бойқўзиев финалда ғалаба қозониб, Осиё ўйинлари ғолибига айланди. У финалда Жанубий Корея вакили Шин Йеонг Раэга қарши татамига чиқди ва 7:5 ҳисобида ғалаба қозонди.

Жасур 1/8 финалда эронлик Юсуф Карамига қарши кечган кескин баҳсда 5:4 ҳисобида зафар қучганди. Чорак финалда иорданиялик Муҳаммад Ал Шожаҳей таслим этилганди - 6:0. Ярим финалда эса Жанубий Корея вакили Шин Йеонг Раэга қарши татамига чиқди ва 7:5 ҳисобида ғалаба қозонди.

Шунингдек, 74 килограмм вазн тоифасида юртимиз шарафаини ҳимоя қилаётган спортчимиз Никита Рафалович финалда эронлик Маъсуд Хажизавареҳга қарши татамига тушди. Афсуски баҳсда рақиб 3:2 ҳисобида зафар қучди. Шундай қилиб, Никита Ўзбекистон ҳисобига кумуш медалини қўшиб қўйди.

Бунгача у 1/8 финалда афғонистонлик Дав Роогхбик Забиҳуллоҳни 4:1, чорак финалда таиландлик таэквондочи Ила Он Пирхатхепларни 13:1, ярим финалда эса Жанубий Корея вакили Сонг Йонг Геонгни 12:2 ҳисобида мағлубиятга учратганди.