"Император" "Рома"га қайтиши мумкин

Бундан 15 кун муқаддам "Calciomerceto" нашри "Рома"нинг янги хўжайини Дэн Фридкин Тотти билан музокара ўтказгани тўғрисида хабар тарқатган эди. Бугун "football-italia.net" ҳам ушбу хабарни тасдиқлади. 43 ёшли "гладиатор" жамоага вице-президент ёки техник директор сифатида қайтиши режалаштирилмоқда. 

Маълумот ўрнида, Франческо Тотти бутун футболчилик фаолиятини "Рома"га бағишлаган. 2017 йил бутсаларини михга илгач, клуб раҳбариятида ишлади. Бироқ, 2019 йил римликларнинг ўша вақтдаги президенти Жим Палотта билан юзага келган муаммолар туфайли лавозимини тарк этишга қарор қилган эди.