Илёс Зейтуллаев "Ювентус"нинг ўрнига қаерга бориши мумкин бўлганини айтиб берди
01 may 21:32
News
Илёс Зейтуллаев "Ювентус"нинг ўрнига қаерга бориши мумкин бўлганини айтиб берди
У 2000-йиллар бошида, "Ювентус"га ўтишидан аввал қаерда бўлиши мумкинлиги ҳақида сўзлаб берди.
Мен тахминан бир йил, балки ундан ҳам кўпроқ "Спортакадемклуб" клубида (турли СНГ мамлакатларидан футболчиларни йиғиб, кейин Европага жўнатадиган россиялик клуб – таҳр. изоҳи) бўлдим. Кейин мени ва яна бир футболчини "Бордо"га жўнатишди. Ўша иккинчи футболчини кейин қайтариб юборишди, мени эса қолдиришди. "Бордо" менга катта таассурот қолдирган – 10 та майдон, асосий жамоа ва академия учун ажойиб шароитлар. Асосий жамоа ҳаттоки қадимий қасрда яшарди.
Мен "Бордо"да бир неча ой бўлдим, клуб мен билан шартнома имзоламоқчи эди. Шундан сўнг мен бир муддатга Москвага қайтишим керак эди. Ўша ерда бир нарса нотўғри кетаётганини ҳис қила бошладим. Эҳтимол, "Бордо" ва "Спортакадемклуб" трансфер пули бўйича келиша олмаган бўлиши мумкин.
Шундан кейин мен "Фейеноорд"га йўл олдим. Ўша пайтда клубда Игорь Корнеев (СССР, МДҲ, Россия терма жамоалари, ЦСКА ва "Барселона" собиқ футболчиси – таҳр. изоҳи) ўйнаган. Франция футбол ривожи бўйича Нидерландиядан юқори эди, лекин голландлар ёшлар футболига бўлган муносабатлари билан менга жуда катта таассурот қолдиришди.
Биз у ерда "Спортакадемклуб"дан бошқа болалар билан бирга машғулот ўтказардик, "Фейеноорд" сафида бир неча турнирларда қатнашдик. Ҳаттоки Уэсли Снейдерга қарши ҳам ўйнаганмиз – у ўшанда "Аякс"нинг ёшлар жамоасида тўп сурган. Нега яна қолишнинг иложи бўлмаганини билмайман, аммо бизга дарҳол шундай дейишди: "Фейеноорд"дан сўнг "Ювентус"га кўрикка кетасизлар».
Ильёс Зейтуллаев иштирок этган "Финт Тураева" подкастининг тўлиқ версиясини (рус тилида) қуйидаги ҳавола орқали топишингиз мумкин:
Similar news
championat.asia
Суперлига. Олмалиқда дарвозаларга 4 та гол урилган ўйинда ғолиб аниқланмади
"Олтин тўп-2025" тақдирлаш маросимининг санаси ва жойи эълон қилинди
Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди
Ла Лига. "Атлетико"дан йирик ғалаба, "Реал" тўққиз киши бўлиб қолган "Севилья"ни мағлуб этди, "Барселона" эса ўз уйида "Вильярреал"га мағлуб бўлди
Comments
— Ҳа, туғилган йилим ўзгартирилиб, жиддий хатоликка йўл қўйганмиз. У пайтда мен 7-8 ёшли бола бўлганман. Нима учун бундай қилишганини тушуниб етмаганман. Энди ёш футболчилар бундай хатоликни такрорламасликлари учун ҳам айтаман. Кичрайтирилган ёшлар собиқ иттифоқ ҳудудидаги давлатлар футболи учун катта йўқотиш. Сен ҳар доим ўзингдан бир неча ёш кичик болалар билан ўйнайсан ва ҳеч қачон ривожланмайсан. Сен қандайдир ёшлар турнирини ютишинг мумкин, лекин ҳеч қачон яхши футболчи бўлиб етишмайсан. Ёлғон билан узоқ муддат омадга эришиш мумкин эмас.
— Неччи ёшга ўзгартиргансиз?
— Икки ёшга. Мен буни тан олишдан қўрқмайман. Одамлар: «Нега буни айтдинг, ақлдан оздингми?», — дейишлари мумкин. Бироқ мен ўзимни мисолимда футболимизни яхши томонга ўзгартирмоқчиман. Мен ҳақимда одамлар нима дейиши муҳим эмас. Менга фарзандим катта бўлгач, отасининг номига доғ тушмаган бўлиши муҳимроқ.
Илёс Зейтуллаев