Latest news

09:17Суперлига. Бугун навбатдаги турга старт берилади  0 08:53ОЧЛ 2. "Истиқлол" ғалаба қозонди. Ашурматовнинг ҳаракатлари неча баҳога лойиқ кўрилди?  0 08:27Африканинг йил футболчиси учун номзодлар эълон қилинди  0 08:25ОЧЛ 2. "Андижон" – "Ал Ҳалдия" 0:0  0 08:02Sofascore. Кечаги учрашувда "Андижон" жамоасидан ким энг катта баҳога лойиқ кўрилди?  0 07:36EЧЛ. Ҳафта футболчисига кимлар номзод?  11 02:10ЕЧЛ. "Бавария", "Ливерпуль" ва "Челси"да йирик ғалаба. "Тоттенхэм" "Монако" билан дуранг ўйнади  8 01:55ЕЧЛ. Беллингемнинг ягона голи "Реал Мадрид"га "Ювентус" устидан ғалаба тақдим этди  25 00:39ЕЧЛ. "Қорабоғ" ушбу мавсум турнирдаги илк мағлубиятини "Атлетик"дан қабул қилиб олди. "Галатасарой"да ҳам ғалаба  1 00:30Туркия. "Истанбул Башакшеҳир" "Ризеспор" билан дуранг ўйнади. Шомуродов тўлиқ ўйнади, Алиқулов ва Файзуллаев эса...  8 00:20Максим Шацких: "Икки очко йўқотдик. Рақиб дурангни нишонлади"  10 23:04ОЧЛ 2. "Аркадағ" Қатарда "Ал Аҳли"га қарши камбэк амалга ошириб, мағлубиятдан қутилиб қолди. "Андижон"нинг гуруҳидаги вазият қизиқарли тус олмоқда  9 22:24Ўзбекистон термаси бош мураббийи Фабио Каннаваро "Реал" – "Ювентус" ўйинида стадиондан туриб экспертлик қилади  16 22:05Али Ашур: "Андижон" бугун жуда кўп югурди, улар ўз мухлислари учун жанг қилишди. Баъзида бундай энергияга қарши курашиб бўлмайди"  7 21:33Ла Лигада ой ўйинчиси бўлиш учун номзодлар эълон қилинди  3

Илёс Зейтуллаев: "Иккинчи бўлимдаги ўйини учун "Металлург"га тан бериш керак" News

Илёс Зейтуллаев: "Иккинчи бўлимдаги ўйини учун "Металлург"га тан бериш керак"

Суперлиганинг 24-тури доирасида "Металлург"га қарши ўйиндан кейин "Бунёдкор" бош мураббийи Илёс Зейтуллаев матбуот анжуманида қатнашди.

- Ўйинни икки қисмга ажратиш мумкин. Биринчи бўлимда биз яхши, жамоавий, зич ҳимояли ўйнадик, вазиятимиздан фойдаландик. Иккинчи бўлимдаги ўйини учун "Металлург"га тан бериш керак. Лигада жон сақлаб қолиш учун кураш сўнгги сонияларгача бўлади. Катта меҳнат қилган, қийинчиликлардан ўтган жамоа учун барчаси яхши бўлади.

- Жамоангиз иккинчи бўлимда биринчидагидан кўра ёмонроқ ўйнади деб айтдингиз. Бунга сабаб нимада? Иккинчи бўлимда ҳам яхшироқ ўйнашнинг иложи йўқмиди?

- Ҳа, бор эди. Баъзида бу гаплар сўзларда қолиб кетади. Футбол шундай ўйин, унда ҳиссиётлар, қўрқувлар, босим ёнма-ён юради. Биз гол уриб олганимизгача яхши ўйнаётгандик. Ҳудудларга эга бўлдик. Иккинчи бўлимда ҳам шундай давом этишимиз, хотиржамроқ бўлишимиз керак эди. "Металлург" мағлуб бўлаётган пайти босим уюштириши аниқ эди. Чунки лигада жон сақлаб қолаётган жамоалар шундай. Шундай пайт хотиржамроқ бўлиб, фикрларни бир жойга жамлаб, иккинчи голни уриш керак. Йигитларга 1:0 ҳисоби бундай ўйинларда 0:0дан фарқ қилмаслигини айтдим. Шу сабабли биз яхшироқ ҳаракат қилишимиз керак эди. Мавсум бошидан буён босим бўладиган жамоаларда футболчилар мавсум якунида кучни йўқотиши мумкин. Шу сабабли бироз дам олиб, олдиндаги икки ўйинни финал каби ўтказиш керак. 

- Иккинчи бўлимда голгача Филипович ва Абдунабиев ўртасида қандайдир можароли суҳбат бўлди ва шундан кейин жамоа гол ўтказиб юборди. Лигада жон сақлаб қолиш учун курашаётган жамоа учун бундай ишлар яхши ҳолат эмас. Ўшанда футболчилар нимани келиша олмай қолишди?

- Бу нормал ҳолат. Жамоадошлар ниманидир келиша олишмай қолиши бўлиб турадиган ҳолат. Лекин мен буни кўрмай қолдим. Агарда шундай ҳолат бўлмаса, мен учун ёмон бўлиши мумкин. Демак, жамоа ўлик аҳволда, футболчилар келиша олишмаяптими, демак, жамоанинг ривожи учун нимадир қилишмоқчи. Уларнинг иккиси ҳам жамоага ёрдам беришни исташган. Бу умумий натижа учун керак.

- Келаси ўйин "Олимпик"ка қарши. Бу ўйин иккала жамоа учун 6 очколик ўйин. Бу учрашув ҳақда нима дея оласиз?

- Бу ўйин аҳамиятли. Лекин ҳозир дам олиб, куч тўплаш керак. "Олимпик" - яхши, ёш жамоа. Кўп югуради. Бу ўйинга ҳар доимгидек яхши тайёрланамиз. Лекин энди характеристикаларга таянмаслик вақти келди. Чунки айтганингиздек, бу 6 очколик ўйин.

Rating: +2   

Comments

championat.asia
< show latest news
Яндекс.Метрика