Latest news

00:46Кушанашвили Валерий Карпиннинг ўзини тутиши ҳақида: "Бу мачо ўйини, у доимо журналистларга қўполлик қилади, ўзини ҳаммадан зукко деб ҳисоблайди"  0 00:20"Реал" Родригoни 80 миллион евродан камига сотмайди  3 23:32Эрон нашрлари Машарипов жароҳати жиддий деб ёзишмоқда. Футболчи бу саволга ўзи жавоб берди  6 23:24"Милан" ва "Ал Ҳилол" қизиқаётган Нуньес мавсумолди ўйинларида 5 та гол урди, у ўтган мавсум АПЛда шундай натижа қайд этган эди  0 23:04Ўртоқлик ўйини. "Ливерпуль" Ла Лига жамоасини таслим қилди, мухлислар 20-дақиқада Жота хотирасига бир дақиқа қарсак чалишди  0 22:15Шешко МЮга ўтишни хоҳлаяпти, аммо "Ньюкасл" вариантига ҳам қарши эмас  0 21:31Лука Модрич: "Мен 13 йилни дунёнинг энг буюк клубида ўтказдим, энди эса ўтмишда ҳозирги "Реал" даражадаси бўлган клубга келдим"  5 20:48"Ал Насср" Роналду орқали МЮ собиқ футболчисини ўз сафига қўшиб олиши мумкин  1 19:59Миш-мишларга чек қўйилди: Лунин Мадридда қолади  0 19:33"Манчестер Юнайтед" бош мураббийи: "Менга кўп футболчилар керак эмас"  5 19:05ТОП-5 қачон бошланади? Жамоалар янги мавсумга қандай тайёрланмоқда?  6 18:40Легионер посбон, Фарғонада ютган мураббий, дублга эришган футболчи ва собиқ клубига гол урган ҳужумчи — Суперлигада 16-турнинг энг яхшилари   2 18:28"Барселона" "Тэгу"ни йирик ҳисобда мағлуб этди — битта гол Рэшфорд ҳисобида  2 18:10Плетнёв, Таҳсин, Токотаев, Санчес... Суперлига 16-тур рамзий терма жамоаси   9 17:50Машинани эмас, ҳайдовчини алмаштириш керак  13

Илёс Зейтуллаев: "Бу мавсум чемпионлик учун "Насаф", ОКМК, "Сўғдиёна" ва "Пахтакор" курашади" News

Илёс Зейтуллаев: "Бу мавсум чемпионлик учун "Насаф", ОКМК, "Сўғдиёна" ва "Пахтакор" курашади"

"Навбаҳор" ҳамда "Бунёдкор" учрашувидан (2:2) сўнг меҳмон жамоа устози Илёс Зейтуллаев матбуот анжуманида иштирок этди.




Илёс Зейтуллаев: "Ўйин томошабоп бўлди, мухлисларга раҳмат айтаман".

- Бугунги дуранг ғалабага тенг деб ўйлайсизми?

- Тўғрисини айтадиган бўлсак, 3 очкони хоҳлагандим, чунки ҳозир оғир вазиятдамиз. 10 киши бўлиб қолдик, гапингизга қўшилсак бўлади, аммо йигитлар кўпроғига муносиб эди.

- "Бунёдкор" охирги баҳсларда яхши ўйин кўрсатяпти. Бу Зейтуллаев ишими ёки жамоавий меҳнат маҳсули? Бугун жамоангиздан қандай натижа кутгандингиз.

- Бундай ўсишлар ҳамманинг ҳаракати билан содир бўлади. Ҳа, мураббийлар штаби ҳам ишлаяпти, аммо жамоага рахмат айтмоқчиман, чунки йигитлар ўзини кўрсата олишяпти. Кам ўйнаётганлар ҳам майдонга тушишга тайёр.

- Легионерларингиз ўйинидан мамнунмисиз?

- Албатта, чунки бундай вазиятда жамоамизга қўшилиб, жон сақлаш учун кураш осон эмас. Барча легионерларимиздан мамнунман.

- Ўзингиз Италияда футбол ўйнаб, мураббийлик ҳам қилгансиз. "Бунёдкор"га Европа футболидан нималарни олиб келдингиз ёки энди режангизда бор?

- Мен ҳеч қачон ватанимни унутмаганман. Ўзбек футболини яхши кўраман. Албатта, Италия футболидаги кичик деталларни ишга соляпмиз ва натижалар ҳам кўриняпти. Футболда 30% бу тактика, қолгани эса психология. Бу узоқ давом этадиган жараён.

- "Навбаҳор"ни таҳлил қилган бўлсангиз керак. Наманган жамоасининг кучли томонларини айтиб бера оласизми?

- Жамоа жуда кучли, яхши футболчилар йиғилган. Ҳаммани номма-ном айта олмайман. "Навбаҳор"нинг кучли томонлари кўп, бироқ йигитлар яхши ҳаракат қилишди.

- Бугун "Навбаҳор" кўплаб вазиятлардан фойдалана олмади. Уларга нима етишмади деб ўйлайсиз?

- Йигитларим охиригача курашишди, сабаб шу бўлса керак. Ҳар бир сантиметр учун курашдик. Ҳавода ҳам имкони борича ғалаба қозонишга уриндик.

- Бугунги кунда ўзбек ва Италия футболи ўртасидаги фарқни айтиб бера оласизми?

- Ўзбек футболи жуда яхши даражада. Ҳа, бироз деталларда фарқ бор. Италияда кўпроқ майда деталларга эътибор қаратишади. Бу ерда эса тезлик ва курашлар устида кўп ишлашади. Европа футболи бироз бошқача, яхши ёки ёмон дея олмайман, услублар бошқача.

- Бу мавсум Суперлига ва Кубокда ким ғолиб бўлади деб ўйлайсиз?

- Фикримча, "Насаф" ва ОКМК курашади. "Сўғдиёна"нинг ўйини ҳам ёқяпти. "Пахтакор"ни эсдан чиқариб бўлмайди. Кубокда... Кучли жамоа ютсин, ҳеч кимга мухлислик қилмайман, бор диққатим "Бунёдкор"да.

Rating: +4   

Comments

championat.asia
< show latest news
Яндекс.Метрика