Илёс Зейтуллаев "NBU-Осиё"да!

Биринчи лига иштирокчиси "NBU-Осиё" яқинда йиғинга киришганди. Шу боис кун-ора жамоа машғулотларига янги футболчилар келиб, кўрикдан ўтмоқда.

Эътиборлиси уларнинг орасида Италия клубларидаги фаолияти орқали мухлисларимизга яхши таниш бўлган Илёс Зейтуллаев ҳам бор.

Бу борада "Банкирлар" устози Жаъфар Ирисметов шундай деди: - Чиндан ҳам Илёснинг айни пайтда биз билан машғулотларда иштирок этаётганини айтиб ўтиш керак. Лекин биласизми Зейтуллаев жамоамизда спорт формасини ушлаб туриш мақсадида шуғулланмоқда. Маълумки, бундай юқори савиядаги футболчиларнинг "NBU-Осиё" машғулотларида қатнашиб туриши одатий холдир. Чунки барча футболчи учун клуб эшиги доимо очиқ бўлиб келган.