Илҳом Юнусов: “Гол уришимдан ғалабамиз муҳимроқ”

-Ўтган турда жамоа “Олмалиқ”даги мағлубиятдан кейин жамоа “Қўқон-1912”га қарши қандай тайёргарлик кўрди?
-Футболда ғалаба ва мағлубият ёнма-ён юради. Шу боис биз Олмалиқдаги омадсизликни унутиб, кейинг ўйинга муносиб ҳозирлик кўрдик. Одатда профессионал футболчилар шундай қилишади. Руҳий ва жисмоний тайёргарлигимз жойида эди ва кечаги ўйинда буни яна бир бор майдонда исботладик.

-Геворкян, Суюнов, Муҳаммадиев сингари етакчи футболчиларнинг майдонга тушмаганлиги жамоанинг ўйинига қанчалик таъсир ўтказди?
-Биласизми бизда ҳамма етакчи. Мураббий қайси футболчини майдонга туширса, ўша футболчи ўзини ҳар томонлама кўрсатишга ҳаракат қилади. Элдор ва Шуҳрат терма жамоадан ўйин куни қайтиб келишди. Артурнинг жароҳат ортда қолди. Насиб қилса, 7 апрелда бўладиган муҳим ўйинда улар жамоага ёрдам бера олишади.

-Жамоани сардор сифатида бошлаб тушдингиз. Бу қўшимча масъулият юклайдими? Шу боисми гол уришга ҳам роса ҳаракат қилдингиз...
 -Биз фақат ғалаба учун майдонга чиққандик. Албатта гол уришга ҳам уриниб кўрдим. Ким гол уришининг унчалик аҳамияти йўқ эди. Муҳими 3 очко қўлга киритилди. Албатта сардорлик ҳар кимга ҳам берилмайди. Бу менга ортиқча босим юклагани йўқ. Олдимизда қўйилган вазифани бажаришга астойдил интилдик ва мақсадга эришдик.

-ОЧЛ ҳақида фикрингиз? Гуруҳдаги қайси жамоа нисбатан кучлироқ деб ўйлайсиз?
-ОЧЛ бу юқори савиядаги турнир. Бунда кучсиз жамоани ўзи йўқ. Ўз навбатида биз ҳам бу ўйинларда фақат ғалаба учун майдонга чиқишга 100 фоиз тайёрмиз. Агар гуруҳимиздаги учта жамоани солиштирадиган бўлсак,  Саудия Арабистонининг “Ал Аҳли” жамоасини нисбатан кучлироқ деб ўйлайман.