Илҳом Шомуродов: “Жароҳатим у қадар жиддий эмас”
19 sep 2013 13:56
News
![](https://championat.asia/upload/storage/100034_original.jpg)
![](/upload/storage/100034_220.jpg)
Илҳом Шомуродов: “Жароҳатим у қадар жиддий эмас”
Мазкур бўлажак муҳим ўйинларга қадар Шомуродов ўзини тиклаб оладими ёки “Насаф” бош мураббийи олдида бу борада муаммо келиб чиқадими? Бунга аниқлик киритиш мақсадида ҳужумчининг ўзи билан суҳбатлашдик.
- “Локо” билан ўйиннинг иккинчи бўлим бошларида оёғимнинг тўпиғидан жароҳат олиб майдонни эрта тарк этишга мажбур бўлдим. Шу боис учрашув ҳақида аниқ бир нима айтишим қийин – дейди Илҳом Шомуродов.
- Ўша вазиятни қандай тушунтириб бера оласиз?
- Майдоннинг ҳар бир қарич ерида жиддий кураш кечди. Сабаби ўйиннинг аҳамияти ҳар иккала жамоа учун ҳам юқори эди. Жароҳат олган пайтимда эса, “Локомотив”нинг легионер ўйинчиси Оника билан тўп учун курашда, молдавиялик футболчи тўпни олиб қўйиш истагида “подкат” ташлади, шунда мен оёғимни кўтариб, сакрай олмадим. Футболчининг жон жаҳди билан ташлашаниши натижасида оёғимнинг тўпиғи лат еди. Шифокорларимиз шундан сўнг, мураббийларга мени бошқа футболчига алмаштиришларини сўради ва мени шу оннинг ўзидаёқ стадиондан тўғри, шаҳардаги клиник шифохонага олиб борди. У ерда малакали шифокорлар оёғимни лат еган жойини рентган қилди ва шундан сўнг маълум бўлдики, жароҳат у қадар жиддий эмас.
- Лекин шунга қарамай, оёғингизга гипс қўйишгани ҳақида маълумот олдик...
- Тўғри, гарчи оёғим синмаган бўлсада, шифокорлар маълум муддатга гипс қўйишни маъқул топишди. 4 кун ўтиб эса уни олиб ташлашди. Шундан сўнг, оёғимнинг ўша жойини даволаб боряпмиз. Насиб қилса, бугундан енгил машғулотларга қиришаман.
- Илгари ҳам бундай жароҳатларга дуч келганмисиз?
- Йўқ, бу биринчиси эди. Умид қиламанки, сўнггиси бўлиб қолади.
- “Насаф”ни олдинда қийин ўйинлар кутиб турибди. Яъни эртага миллий чемпионат доирасидан ўрин олган, “Пахтакор”га қарши баҳс бор. Қаршидаги ушбу ўйиндан сўнг, жамоангиз 25 сентябрь куни Тошкентда “Бунёдкор” билан Кубок финалида ҳисоб китоб қилади. Бўлажак учрашувларда “Насаф”га ёрдам бера олмаслик эхтимоли бор экан-да?
- Афсуски ўз майдонимизда “Пахтакор”га қарши ўтадиган баҳсда майдонга туша олмайман. Бу ўйинга оз муддат қолди ва унгача тикланиш қийин кечади. Лекин насиб қилса, Кубок финалида ўйнашни ният қиляпман. “Бунёдкор” билан ўйинга қадар машғулотларда ишлаб, ўйнаш учун тайёр холатга қайтаман. Чунки бундай финал ўйинларида иштирок этишни барча футболчи орзу қилади. Шу боис мен ҳам 25 сентябрга қадар спорт формамни тиклаб боришга ҳаракат қиламан.
Исломбек Рустамбеков суҳбатлашди.
![AMP Logo](https://championat.asia/image/logo-amp.png)
Comments