Илҳом Шомуродов: “Рақибимиз кучли ва ҳурматга лойиқ жамоа"

Илҳом ШОМУРОДОВ: - Рақибимиз  кучли ва ҳурматга лойиқ жамоа. Лекин биз ҳам бу ерга ғалаба учун келганмиз. Омад биз томонда бўлса, сафардан уч очко билан қайтамиз. Албатта, уйдаги баҳс билан сафардаги баҳс бир-биридан фарқ қилади. Ўз майдонимизда мухлисларни қўллаб-қувватлаши бизга қўшимча куч бағишлайди. Лекин жорий мавсумда ОЧЛда биринчи сафар ўйини – Саудияда “Ал Аҳли”га қарши ёмон ўйин кўрсатмадик, деб ҳисоблайман. Эртанги баҳсда ҳам чиройли ўйин кўрсатиб, мақсадимизга эришамиз.

Рақибимиз таркибида ҳамюртимиз Сардор Рашидов тўп тепади. У Ўзбекистон миллий терма жамоаси аъзоси ҳисобланади. Кейинги йилларда у юқори ўсишга эришди ва “Ал Жайиш”нинг асосий футболчиларидан бири ҳисобланади. Эртанги баҳсда фақат ғалаба ҳар икки томон учун ҳам муҳим. Насиб этса, мухлисларимизни хурсанд қиладиган натижага эришамиз.