Илҳом Мўминжонов: "Футболчиларда 12 минг томошабин қаршисида ҳаяжон бўлди"

"Бугунги ўйин оғир кечишини билардик. Мавсумнинг биринчи баҳси бўлгани учун, 12 минг томошабин олдида йигитларда ҳаяжон бўлди. Бугунги ўйин учун барча футболчиларга раҳмат айтаман. Улар бор кучлари билан ҳаракат қилиб ғалабага хисса қўшишди. Шунчаки баҳс сўнггида бироз бўшашдик ва гол ўтказдик.

"Обод"нинг охирги ўйинларини ўрганиб чиқдик. Бу жамоа яхши шаклланган.

Бугун қандай ҳисобда ютишимизнинг фарқи йўқ эди, шунчаки ғалаба қозонсак бўлди. Бунга эришдик ҳам. Меҳмонлар сафида Шоҳруз Норхонов фаол ўйнаган бўлса, биздан Алишер Саматов бошқалардан ажралиб турди", - дейди Илҳом Мўминжонов.

"Навбаҳор" матбуот хизмати