Илҳом Ҳамроев: "Ўйинни тўлиқ назорат қилдик"

 "B" гуруҳи доирасида Ўзбекистон футзал терма жамоаси Туркманистонга қарши баҳс олиб борди. Унда вакилларимиз йирик 8:0 ҳисобида ғалаба қозонишди. Учрашувдан кейин терма жамоамиз футболчиси Илҳом Ҳамроев фикрлари билан ўртоқлашди.

- Мусобақани муҳим бўлган ғалаба билан бошладик. Ўйинда юзага келган вазиятларимиздан унумли фойдаландик ва ўйинни тўлиқ назорат қилдик. Шу жиҳатлар эвазига беллашувда ғалаба қозондик, деб ўйлайман. 

Кейинги рақибимиз Тожикистон бўлади. Уларга қарши кўп маротаба тўқнаш келганмиз. Уларга қарши осон ўйин бўлмаган. Шуни инобатга олиб, фақат ва фақат ғалаба қозониш учун майдонга тушамиз. Кейинги ўйинга астойдил тайёргарлик кўрамиз”, – дея фикрларини якунлади Ҳамроев.