Илгиз Танташев Қатар – КХДР учрашувини бошқаради
21 jan 2016 21:59
News

Илгиз Танташев Қатар – КХДР учрашувини бошқаради

Ўзбекистонлик ФИФА рефериси Илгиз Танташев бошчилигидаги ҳакамлар бригадаси U-23 ёшлар ўртасидаги Осиё чемпионати чорак финали доирасидаги Қатар – КХДР учрашувини бошқариб боради.

ОФК Қатар пойтахти Доха шаҳрида давом этаётган U-23 ёшлар ўртасидаги Осиё чемпионати чорак финал учрашувларини бошқариб борадиган ҳакамлар номини эълон қилди. Унга кўра, мезбон – Қатар ҳамда КХДР олимпия терма жамоалари ўртасидаги учрашувни ўзбекистонлик Илгиз Танташев бошчилигидаги ҳакамлар бригадаси бошқариб боради. Таъкидлаш жоиз, мазкур мусобақада Танташевга қанотда ўзбекистонлик бошқа бир ФИФА лайнсмени Жаҳонгир Саидов ёрдам бермоқда.

Маълумот учун, Қатар пойтахти Доха шаҳрида давом этаётган Осиё чемпионати чорак финал учрашувларига 22 январь куни старт берилади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +1