Илдар Маматказин: "Мақсадимиз мавсумни кучли бешликда якунлаш"

Етакчи жамоаларнинг "Андижон"дан очко олиши ҳамма ўйлагандек осон кечмаяпти. Худди шундай "Пахтакор"ни ҳам "Бобур Арена"да ўта қийин баҳс кутмоқда. Мазкур учрашув олдидан "бургутлар" сардори Илдар Маматказин фикрларини билдриб ўтди. 

Andijan Rubin Hebaj - 84'

Superliga. Round 21 08/10/2023, 17:00 0 : 1 Finished

Pakhtakor

45'

90'

67'  Farhod Bekmurodov (Levan Arveladze)

81'  Armin Bosnjak (Farkhod Sokhibjonov)

81'  Ilhom Abduganiev (Sukhrob Berdiev)

81'  Sardor Azimov (Sardor Abdunabiyev)

84'  Rubin Hebaj

90'  Rubin Hebaj (Shakhboz Erkinov)

21'  Dostonbek Hamdamov

44'  Shahzod Azmiddinov

66'  Dostonbek Hamdamov (Dilshod Saitov)

84'  Przemysław Banaszak (Behruz Asqarov)

84'  Sardor Sobirkhodjaev (Mukhammadali Urinbayev)

Open in Match Center

- Суперлигада ҳар бир ўйиннинг қиймати ва даражаси ўта юқори. "Андижон" учун ҳам, "Пахтакор" учун ҳам айни пайтда ғалаба зарур. Шиддатли кечиши кутилаётган беллашувга "Андижон" қандай тайёрланяпти?

- Учрашувга тайёргарлик яхши кетмоқда. Мураббийлар штабининг бу ўйинга ишлаб чиққан режаси бор. Шу режа бўйича ҳозирлик олиб боряпмиз. Умид қиламанки, учрашув якунида ижобий натижа бизники бўлади. Бунинг учун меҳнат ва яна меҳнат талаб қилинади. 

- "Бургутлар" мудофаа чизиғининг вакили сифатида айтингчи, рақиб сафида Турғунбоев, Черан каби номларнинг майдонга тушмаслиги қанчалик қулайлик туғдиради?

- "Пахтакор"да нафақат бу икки футболчи балки барча футболчилари савияли ва маҳоратли ҳисобланади. Тўғри сиз айтган номлар жамоанинг етакчиси. Аммо уларда жамоавий ўйин шаклланган. Сўнгги учрашувларда керакли натижага эриша олмаётгандир. Аммо ўйин тарафлама ёмон кўринмаяпти. Барчасига майдонда гувоҳи бўламиз. 

- "Андижон" ўз майдонида иккинчи даврада ҳали мағлубиятга учрагани йўқ. Бу бевосита стадиондаги муҳит билан боғлиқми ёки бошқа сабабми? 

- Уйдаги ўйинларда бизнинг асосий қуролимиз мухлисларимиз ҳисобланишади. Майдонда 11 киши тўп тепса, 12 ўйинчимиз улардир. Мухлисларнинг қўллаб-қувватлаши ҳар қандай футболчига катта куч беради ва олдинга боришга чорлайди. Стадиондаги атмосфера эса шунчаки бомба!

- "Андижон" рақибига қандай совға тайёрлаяпти?

- Шу куни биз мухлисларимизни хурсанд қилишимиз керак. Барчамиз бирлашиб фақат ғалаба учун майдонга чиқамиз. 

- Жамоа Суперлигада қолиш миссиясини деярли бажариб бўлган ва эндиликда кучли бешликка киришга ҳаракат қилиб кўради. Бу навбатдаги ўйинларда босимни олиб ташлайдими?

- Мақсадимиз мавсумни кучли бешликда якунлаш. Бунинг учун қолган ўйинларда максимал очко тўплашимиз керак. Босим ҳар доим бўлган. Чунки пастдаги жамоалар бизга яқинлашиб олиши ҳеч гапмас. Шу боис бўшашишга ҳаққимиз йўқ.

Абдулазиз Искандаров суҳбатлашди