Икки нафар ўзбекистонлик ёш истеъдод эгаси Германияда малака оширади

Сафар давомида немис мутахассислари мактаб мураббийларини ўз методикалари билан таништирган ҳолда, болалар билан қизиқарли машғулотларни ўтказдилар.

Режага кўра, улар ўзларига манзур бўлган бир нафар тарбияланувчини Германияга олиб кетишлари керак эди. Таркибга йиғилган бир қатор истеъдодли футболчилар мураббийларини анча ўйлантиришга сабаб бўлди. Натижада меҳмонлар икки нафар "JFL Tashkent" тарбияланувчисини Шлотхаймдаги "JFL" академиясига олиб кетишга қарор қилдилар.

"Тўғрисини айтаман, мақташ эмас. Сизларда тарбия топаётган 2007 ва 2008 йилларда туғилган футболчилар бизникилардан бир бош устун. Бизда бу ёшда энди-энди футбол ўйнашни ўрганишади. Сал туртилиб кетса ойисини қидириб, йиғлаб қолишади. Ўзбекларда умуман аксини кўрдик, шу ёшданоқ жиддий футбол ўйнашаяпти. Фақат ўтиш босқичида муаммо бор экан. Буни биргаликда ечамиз", - дейди германиялик мутахассис Сабрина Курцнер.

18 апрель куни "Реал Сосьедад" сафида Испания Кубоги ва Суперкубогини қўлга киритган Кико Зунига Тошкентга учиб келади ва 14 давомида Ўзбекистонда бўлиб, "JFL Tashkent" болаларига футбол сир асрорларини ўргатади. Ундан ташқари меҳмон, Самарқанд ва водийда очилиши режалаштирилаётган филиалга ташриф буюради. Шунингдек, уч кун давомида Сурхондарёга ҳам сафар қилиш режалаштирилган.