Икки клуб Пуч билан шартнома имзолашга тайёр

Аммо, барчаси испаниялик футболчининг шахсий қарорига боғлиқ.

Пучнинг "Барселона" билан тузган шартномаси жорий мавсумнинг сўнггига қадар мўлжалланган. Каталонияликлар футболчи билан шартномани узайтириш борасида музокаралар олиб боришмоқда, аммо ҳали янги битим тузилмади.

Хавбек Рональд Куман қўл остида жуда кам ўйин амалиётига эга бўлмоқда, шу сабаб у "кўк-анорранглилар" билан янги шартномага шошилмаяпти. 21 ёшли испаниялик футболчи жорий мавсум Ла Лига доирасида 3 дақиқа (!) ҳаракат қилди. Шу билан бирга ўйинчининг мураббий билан муносабатлари яхши эмас.

Каталонияликлар Пучни ёзда текинга қўйиб юбормаслик учун янги шартномага кўндиришга ҳаракат қилишмоқда, аммо футболчи ҳали ҳеч нарсага қўл қўймади.